யோ வொய்ஸ்

இசைப்புயலுக்கு இனிய பிறந்த நாள் வாழ்த்து

2012-01-06T09:01:00.003+05:30

எத்தனை நாட்கள் உன் பாடல் கேட்டு தூங்காமலிருந்திருக்கிறேன்

எத்தனை முறை இசை என்பது இவ்வளவு இனிமையானது என
உணர்த்தியிருக்கிறாய்.
அடுத்த வீட்டுக்கு சென்றாலே
ஆங்கிலம் பேசி தாய் மொழி மறக்கும்
மக்கள் அதிகமுள்ள காலத்தில்
உலக மேடையில் உன் தாய்

மொழியால்
நன்றி சொன்னவன் நீ...
நிறை குடம் தளம்பாது என்பதை
நான் உன்னில் கண்டு கொண்டேன்..
முயற்சித்தால் முடியாதது எதுவுமில்லை
என உலகுக்கு காட்டியவன் நீ
எல்லாரும் செய்வதை நீயும் செய்திருந்தால்
ஆயிரத்தில் ஒருத்தானாய் லட்சத்தில் ஒருத்தானாய்
இருந்திருப்பாய்....
எதையுமே தனித்து, ரசித்து செய்தவதால்
உலகுக்கே ஒருத்தனாய் மாறி விட்டாய்...
உன் மீது விழும் விமர்சனங்களுக்கு
புன்னகையாலும், நன் இசையாலும்
பதில் சொல்லுகிறாய்...

உன்னளவிற்கு நான் யாரையுமே வெறித்தனமாக
பின்பற்றியதில்லை, என்றைக்குமே நீதான்
என் ஹீரோ..

அல்லா ரக்கா ரஹ்மானே...
உனக்கு இனிய பிறந்த நாள் நல் வாழ்த்துக்கள்
இன்னும் பல்லாண்டு காலம்
நீயும் உன் இசையும் வாழ
”எல்லா புகழும் கொண்ட இறைவனை”
பிரார்த்திக்கிறேன்

Happy Birthday Ar Rahman Sir.

நூடுல்ஸ் (25-06-2010) பீபா உலக கிண்ண ஸ்பெஷல்

2010-06-25T21:16:00.001+05:30

http://yovoicee.blogspot.com/2010/06/25-06-2010.html

இந்த பதிவிற்கு தொடர்பு ...

நூடுல்ஸ் (16-06-2010)

2010-06-16T21:46:00.000+05:30

நூடுல்ஸ் (16-06-2010)

http://yovoicee.blogspot.com/2010/06/16-06-2010.html

என் முதல் பதிவு (மீண்டும் நான்)

2010-06-03T21:42:00.000+05:30

என் முதல் பதிவு (மீண்டும் நான்)

http://yovoice.blogspot.com/2010/05/blog-post.html

எனது புதிய வலை பக்கம்

என்ன செய்வது தெரியவில்லை?

2010-05-12T18:45:00.003+05:30

நான் எனது மடிக்கணனியில்தான் இணைய பாவனை செய்வது வழக்கம். அதில் நான் இணைய பாவனைக்கு கூகுல் குரோமை மென்பொருளாக பாவித்து வந்தேன்.

நான் எனது எல்லா பாஸ்வேர்டுகளையும் குரொமில் சேமித்து வைத்திருந்ததால், வழமையாக எனது மின்னஞ்சல்கள், மூஞ்சி புத்தகம், புலோக் ஆகியவற்றிற்கு செல்லும் போது என்னிடம் கடவுச்சொல்லை குரோம் கேட்பது இல்லை. இது எவ்வளவு பெரிய வசதி என்று நினைத்திருந்த நான், எனது ஜீமெயில், யாகூ மெயில், பேஸ்புக் ஆகியவற்றின் பாஸ்வேர்ட்டுகளை யாரோ திருடி அதை மாற்றி என்னை அதற்குள் புகவிடாமல் தடுத்ததை தொடர்ந்து செய்வதறியாமல் இருக்கிறேன்.

ஏதொ எனது டிவிட்டர் கடவு சொல் மாத்திரம் களவு போகாமல் பாவிக்கும்படியுள்ளது. எனது யோ வொய்ஸ் புலோக்கிற்கு எனது வேறொரு மின்னஞ்சலை தொடர்புபடுத்தி வைத்திருந்தது இப்போது உதவியிருக்கிறது, ஆனாலும் என்னால் யோ வொய்ஸ் புலோக்கிற்கு சென்று செட்டிங்குகளை மாற்ற இயலாது.

என்னால் முடிந்தளவு யாகூ, கூகுல், பேஸ்புக் ஆகியவற்றுக்கு முறையிட்டும் பலனில்லை.

எனது யாகூ மெயில், ஜீமெயில், பேஸ் புக் ஆகியவற்றை மீட்டு தர யாராவது வழி சொல்லமுடியுமா?

I can't access my email

2010-05-04T23:07:00.000+05:30

testing post

இலங்கை பதிவர்களை காணவில்லை

2010-04-29T21:43:00.000+05:30

தொடர்ந்து பதிவுகள் எழுதிய இலங்கை பதிவர்கள் பலரை கடந்த சில நாட்களாக காணவில்லை. இதற்கு காரணம் என்னவென்று தெரியவில்லை. தொடர்ந்து எழுதும் ஒரு சிலரை தவிர மற்றவர்களும் ஏதோ ஆடிக்கொரு தடவை அமாவாசைக்கொரு தடவையும் எழுதுகின்றனர்.

“என்ன கொடுமை சார்” சொல்வதை போல் யாரையும் எழுத நிர்பந்திக்க முடியாவிடினும் பதிவுலகத்தை விட்டு கொஞ்ச காலம் விலகியிருக்க எண்ணியிருந்தால், அந்த கொஞ்ச காலம் கொஞ்ச கொஞ்சமாக அதிகரித்து, பதிவெழுதும் எண்ணமே கைவிட்டு போய்விடலாம் என்ற அனுபவம் தனிப்பட்ட அனுபவம் இருக்கிறது.

எல்லா பதிவர்களும் இப்படி யோசித்து ஒதுங்கியிருந்தால், பல பதிவர்களை நாம் இழக்கவேண்டியிருக்குமோ என்னும் பயம் எனக்கு வந்துள்ளது. சமீபத்தில் இலங்கை பதிவர்கள் நல்ல போர்மில் இருந்த கால கட்டமாக நான் நினைப்பது, பதிவர் சந்திப்புகளிற்கு முன்னரும், பின்னருமான கால கட்டங்களாகும்.

பதிவர்கள் சிலரோடு கதைத்த போது இன்னுமொரு சந்திப்பு இருந்தால் நன்றாக இருக்குமென அவர்களும் நினைக்கிறது புரிகிறது. ஆக மீண்டும் ஒரு பதிவர் சந்திப்புக்கு யாராவது ஏற்பாடு செய்தால், இழந்த போர்மை பலரும் பெறலாம் என நினைக்கிறேன், ஆனால் “பூனைக்கு யார் மணி கட்டுவது?”. யாராவது ஒரு பதிவர் தொடங்கி வைத்தால் நன்றாக இருக்குமென நினைக்கிறேன். யாராவது ஒரு பதிவர் முன்வரலாம். முன் வந்தால் ஏற்கனவே சந்திப்புகளை ஏற்பாடு செய்த குழு அவர்களுக்கு உதவுமென நினைக்கிறேன்.

முன்னைய இரண்டு சந்திப்புகளையும் தொடர்புபடுத்திய பதிவர் வந்தியத்தேவன் இப்போது இலங்கையில் இல்லாமையினால் அந்த தொடர்புபடுத்தும் பொறுப்பை சின்ன வந்தி விரும்பினால் செய்யலாம் என நினைக்கிறேன். கோபியை நான் ஏற்பாடு செய்ய சொல்லவில்லை, தொடர்புபடுத்த (Coordinator) விரும்பினால் நல்லாயிருக்குமென நினைக்கிறேன். நான் இணைந்து சந்திப்பை ஏற்பாடு செய்ய விரும்பினாலும் நான் இருப்பது கண்டியில் என்பதாலும் அதிகமான பதிவர்கள் கொழும்பிலிருப்பதாலும் அது சாத்தியமில்லை என நினைக்கிறேன்.

இப்போதைக்கு சந்திப்பு நடாத்த இயலாவிட்டாலும், இரண்டாவது சந்திப்பில் கௌபோய் மது சொல்லியபடி “கூகுல் குழும அரட்டையில்” ஒரு சந்திப்பை நிகழ்த்தலாம் என நினைக்கிறேன்.

யாராவது ஏற்பாடு செய்யுங்களேன், சந்திப்போம்.

பி.கு. - இன்று பிறந்த நாளை கொண்டாடும் மூத்த பதிவர் கவிஞர் மேமன் கவி ஐயா அவர்களுக்கு எனது பிறந்த நாள் நல்வாழ்த்துக்கள்

சுறாவும் பதிவலகும்

2010-04-28T20:22:00.000+05:30

சுறா வி.ஐ.பி காட்சிக்கு ஒரு டிக்கட் கிடைத்துள்ளது, ஆனாலும் இதற்காக மட்டும் கொழும்பு சென்று பார்த்துவிட்டு வருவது இப்பிசியான காலகட்டத்தில் எனக்கு கடினம் என்பதால் செல்லவில்லை.

ஆனாலும் எப்படியும் இந்த வாரமே படத்தை பார்த்துவிட வேண்டும் காரணம், வழமையாக விஜய் படம் வந்தால் பதிவுலகம் விஜய் பற்றிய பதிவுகளை போட்டு நிரப்பி படத்தை விமர்சிக்கிறேன் என முழு கதையையும் சொல்லிவிடுவார்கள். எங்களது வீட்டில் அம்மா மற்றும் சிறு வாண்டுகள் அனைவருக்கும் ரஜனி படத்திற்கு பிறகு விஜய் படம் பார்க்கதான் கொள்ளைப்பிரியம். அவர்களுடன் சென்று பார்க்க வேண்டும். எனக்கும் விஜய் படம் பெரிய ஏமாற்றத்தை தந்ததில்லை காரணம் விஜய் படத்திற்கு உலக தர படத்தை பார்க்கும் எதிர்பார்ப்போடு நான் செல்வதில்லை. கமல் படத்திற்கு செல்லும் போது நான் விஜயிடம் எதிர்பார்ப்பதை அங்கு தேடுவதில்லை.

ஆனாலும் 75 வீதமான பதிவுகள் நாளை முதல் விஜயை திட்டி வெளிவரும். பலவற்றில் விஜய் என்பவரை விமர்சிப்பதையே முக்கிய கடமையாக கொண்டிருக்கும்.

பையா படத்தில் கார்த்தி பலரோடு பறந்து சண்டை போடுவதை ரசித்த பலரும், ஆதவனில் சூர்யாவின் சாகசங்களை ரசித்தவர்களும், அசலில் அஜித்தின் ஹீரொயிசத்தை ரசித்த பலரும் குருவியில் விஜய் சண்டை போடுவதை விமர்சித்திருப்பர், காரணம் விஜய் என்னும் நடிகனை எதிர்க்க வேண்டும் என்பதற்காக. காரணம் பலருக்கு விஜய் பற்றி விமர்சிப்பது பேஷனாகி போய் விட்டது.

பி.கு.
பதிவுகளை வாசிக்கும் விஜய் ரசிகனான எனது நண்பனொருவன் என்னிடம் சொல்லியவை, இவை யோசித்து பார்க்கும் போது உண்மையாகவே தெரிகிறது.

பி.பி.கு
நான் விஜய், அஜித், கமல், ரஜனி யாருடைய ரசிகனுமில்லை, எனக்கு எல்லாரது படமும் பிடிக்கும். நான் ஏ.ஆர். ரகுமானின் இசைக்கு மட்டும் தீவிர ரசிகன் என்பதை இங்கு சொல்லிக் கொள்கிறேன்.

நூடுல்ஸ் (ஐயம் பெக்)

2010-04-27T21:44:00.000+05:30

தேர்தல், பண்டிகை விடமுறை முடிந்து பழையபடி எல்லாரும் தமது வேலைகளுக்கு திரும்பி விட்டனர். புது அரசாங்கம், புது அமைச்சர்கள் என நாடு பழைய மாதிரியே பயணிக்கிறது. கொஞ்ச காலமாக எனது இணைய தொடர்பில் ஏற்பட்ட பிரச்சினை காரணமாக பதிவு எழுதாவிடினும் அநேகமாக எல்லாரது பதிவுகளையும் வாசித்து வந்தேன். சிலவற்றுக்கு பின்னூட்டமும் இட்டேன், இனி அடிக்கடி பதிவுகள் எழுதலாம் என்றிருக்கிறேன்.

-----------------------------------------------------------------------------------------------------------------------

ஒரு மாதிரி ஐ.பி.எல் காய்ச்சல் முடிந்து விட்டது, நான் அதிகமாக ஐ.பி.எல்லை பார்க்கவில்லை, காரணம் எனக்கு 20-20 கிரிக்கட் போட்டிகளை பற்றி பெரிதாக நல்ல அபிப்பிராயம் கிடையாது, அதிலும் பணம் சம்பாதிப்பதை மாத்திரம் நோக்கமாக கொண்ட இத்தொடர் பற்றிய நல் அபிப்பிராயம் சுத்தமாக கிடையாது எனலாம். நான் ஏற்கனவே ஐ.பி.எல் என்னும் கிரிக்கட் வியாபரம் பற்றி கூறியதை எதிர்த்தவர்கள் இப்போது லலித் மோடியை பதவியிலிந்து நீக்கிய விடயம் அறிந்ததும் வாயடைத்து போய் இருக்கின்றனர், ஆனாலும் இப்போது பலர் லலித் மோடியை விமர்சிப்பதற்கான முக்கிய காரணம் பொறாமை ஆகும். பல ஐ.பி.எல் போட்டிகளின் முடிவுகள் ஏற்கனவே முடிவு செய்யப்பட்டு இருந்ததாக வெளிவரும் செய்திகளை கண்டு அதிர்ச்சியடைந்திருக்கிறேன். அப்படி எந்த வீரராவது பணம் வாங்கி போட்டியை விட்டு கொடுத்திருப்பது உறுதி செய்யப்பட்டால் அந்த வீரர்கள் யாராக இருந்தாலும் வாழ்நாள் கிரிக்கட் விளையாட முடியாமல் தடை செய்யப்பட வேண்டும். ஐபிஎல் கிரிக்கட் விளையாட்டில் ”புக்கிகள்” போட்டி முடிவை தீர்மானிக்கும் சக்தியாக இருப்பதாக வெளிவரும் தகவல்களை ஐசிசி விசாரித்து அவற்றுக்கு தடை கொண்டு வரவேண்டும்.

20-20 உலக கிண்ணம் தொடங்க இருக்கிறது, ஏதாவது அதிர்ஷம் உள்ள அணி கோப்பையை கைப்பற்றும். ஆனாலும் இலங்கை வென்றால் எனக்கு மகிழ்ச்சியாக இருக்கும். பொறுத்திருந்து பார்ப்போம் யார் கிண்ணத்த கைப்பற்றுவர் என????

-----------------------------------------------------------------------------------------------------------------------

”வந்தி”யில்லாத இலங்கை பதிவுலகும், ”லோஷனி”ல்லாத விடியலும் ரொம்பவே போரடிக்கின்றன. மாலை வேளைகளில் மழை வந்து வெளியே போக விடாமல் செய்வதால், இப்போதெல்லாம் நான் அதிகமாக பாட்டு கேட்பதிலேயே எனது பொழுதுதை களிக்கின்றேன். “விண்ணைத்தாண்டி வருவாயா” மற்றும் ”பையா” பாடல்கள் அதிகமாக கேட்ட பாடல்களாகும். ”ராவண்” (தமிழ்) பாடல்களை கேட்க ரொம்பவே எதிர்பார்ப்புடன் இருக்கிறேன். முதல் காரணம் பாடல்களுக்கு இசையமைப்பு நம்ம தல ரகுமான். இரண்டாவது காரணம் இயக்குனர் மணிரத்தினம். இவர் இசையமைப்பாளர்களிடம் எப்படி சிறந்த பாடல்களை வாங்குவது என்னும் கலையை நன்றாக கற்றவர். அன்றைய அஞ்சலி, நாயகன், மௌனராகமாகட்டும் இன்றைய ஆய்த எழுத்து, குருவாகட்டும் மணிரத்தினத்தின் பட பாடல்கள் என்றுமே சோடை போனதில்லை.

”அடடா மழைடா, அடை மழைடா” பாடல் ”என் காதல் சொல்ல நேரமில்லை” என நா. முத்துக்குமார் எம்மை கவி மழையில் நனைய வைத்து விட்டார். தாமரை, நா.முத்துக்குமார் எழுதிய பாடல்களை எப்போதும் ரசிக்கலாம். இன்றைய தலைமுறையின் மனம் கவர் பாடலாசிரியர்கள் இவர்களேயாகும்.

-----------------------------------------------------------------------------------------------------------------------

தொடர்ந்து பதிவுகள் எழுதிய இலங்கை பதிவர்கள் பலரும். இப்போது அவ்வாறு எழுதுவதில்லை. இப்போது வரோ, சதீஷ் , பவன் போன்ற சிலரே அடிக்கடி எழுதுகின்றன. தமிழக பதிவர்களும் சங்கம் அமைக்க போய் தமக்குள் தர்க்கம் ஏற்படுத்தியது கவலையான விடயம். காரணம் தமக்குள் பொறாமை இல்லாத ஒரே குழுவாக நான் பார்ப்பது பதிவர்களையாகும். வேறுபட்ட கருத்துக்கள் இருந்தாலும் பதிவர்கள் வேறுபடாமலிக்க வேண்டும். அதுதான் பதிவுலகிற்கு நல்லதாகும்

-----------------------------------------------------------------------------------------------------------------------

ம்ம்ம். அமீர்கான் மச்சமுள்ள மனுஷன்

அடிக்கடி எழுதலாம் என்னும் நம்பிக்கையுடன் விடைபெறுகின்றன

நான் ரசித்த கிரிக்கட்டூன்கள்

2010-03-18T10:33:00.000+05:30

பதிவு எழுத முடியாமல் எனது இணைய இணைப்பில் ஒரு சிறு பிரச்சினை ஏற்பட்டுள்ளது, அதனால் ஒரு பட பதிவு. நான் ரசித்து சிரித்த சில கிரிக்கட் கார்ட்டூன்கள்

நூடுல்ஸ்

2010-03-11T23:57:00.000+05:30

நித்தியானந்தா சாமியாரின் லீலைகள் அம்பலமாகியவுடன் பல ஊடகங்கள் கூக்குரலிட்டு போலி சாமியாரின் லீலைகள் அம்பலமாகிவிட்டன தெரிவிக்கின்றன, ஆனால் இந்த போலி சாமியார்களை உருவாக்குவதில் முக்கிய பங்கை இந்த ஊடகங்கள் வகிப்பதை மறந்துவிட்டன. குமுதம் இவரை வளர்த்திருக்காவிட்டால் இந்த நித்தியானந்தா உலகுக்கு தெரியாமல் போயிருப்பார். இலங்கையை பொருத்த வரையில் நித்தியானந்தரை விட சும்மா பகவான் எனும் இன்ஸ்ட்ண்ட் கடவுள்தான் பிரபலமாயிருக்கிறார். இவரை தொலைக்காட்சி மற்றும் பத்திரிகைகள் ஏதொ உலகை இரட்சிக்க வந்த உத்தமர் போல் புகழுவதை கண்டால் எரிச்சலாய் இருக்கிறது.

மக்களை வழி நடத்த சிறந்த ஆயுதமான தொழிநுட்பத்தை கொண்டுள்ள இவ்வுடகங்கள் அதை பயன்படுத்தி மக்களை நல்வழிப்படுத்தாமல் சும்மா பகவான் புகழ் பாடுவது வேதனைக்குறியது. இல்லை பணம் கிடைப்பதால்தான் சும்மா பகவானை புகழுகிறோம் என்றால் பணத்துக்காக விபச்சாரம் செய்பவர்களுக்கும் இவ்வுடகங்களுக்கும் என்ன வித்தியாசம்?

பதிவுலகில் விழிப்புணர்வு பற்றிய பதிவுகள் அதிகம் வந்தாலும் இன்னும் பதிவுலகம் இன்னும் மக்களிடம் போய் சேரவில்லை என்பதால் மக்களை விழிப்புணர்வு செய்யும் முக்கிய பணி வெகுஜன ஊடகங்களுக்கு உண்டல்லவா? இன்னும் சில பத்திரிகைகள் சாய்பாபா புகழ் பாடுகின்றன. எப்போது நம்ம தமிழர்கள் உயிருள்ள மனிதர்களை வணங்குவதை விடப்போகிறார்களோ தெரியவில்லை.

----------------------------------------------------------------------------------------------------

மேற்கிந்திய சிம்பாவே முதலாவது ஒருதினப் போட்டியில் சிம்பாபே வெற்றி பெற்றதும், சிம்பாவே (பலமான?) மேற்கிந்திய தீவுகள் அணியை ஒரு நாள் தொடரில் வென்றிடும் என நினைத்தால் அடுத்துவரும் போட்டிகளில் சிம்பாபே மண் கவ்வியது. இதே போல்தான் அவுஸ்திரேலிய நியுசிலாந்து முதல் போட்டியில் நியுசிலாந்து வென்றதும் இத்தொடரில் நியுசிலாந்து அவுஸ்திரேலியாவுக்கு நல்ல போட்டியை கொடுக்கும் என எதிர்பார்த்தால் ஒரு நாள் தொடரை அவுஸ்திரேலியா இலகுவாக வென்றது.

பாகிஸ்தான் வீரர்களுக்கு கிடைத்த தண்டனைகள் கொஞ்சம் அதிகமாக தோன்றினாலும் கிரிக்கட் என்னும் கனவான்களின் விளையாட்டை சிதைத்த வீரர்கள் அதற்குறிய தண்டனையை ஏற்று கொள்ளதான் வேண்டும், பல முன்னணி வீரர்ளை தண்டனைக்குற்படுத்திய பாகிஸ்தான் கிரிக்கட் போர்டுக்கு பாராட்டுக்கள். காரணம் ஆசியாவிலுள்ள கிரிக்கட் சபைகள் வீரர்களை முதன்மையாக கொண்டே இயங்குகையில் இவ்வீரர்கள் இல்லாவிட்டால் போட்டியில் தோற்றாலும் பரவாயில்லை என பல முன்னணி வீரர்களுக்கு தண்டனை வழங்கிய பாகிஸ்தான் கிரிக்கட் சபை பாராட்ட தகுந்ததே

----------------------------------------------------------------------------------------------------

வேலை தேடி ஒரு முன்னணி அரசியல்வாதியிடம் சென்ற பட்டதாரி மாணவர்களை அவ் அரசியல்வாதி வேலை வேண்டுமாயின் தனது தேர்தல் வேலைகளை செய்யுமாறும் அதில் திருப்தி ஏற்பட்டால் தகுந்த வேலை வாங்கி தருவதாகவும் கூறியுள்ளார். இதுதான் இலங்கையின் ஜனநாயகமா? இப்படி அரசியல் செய்வதை பார்க்க அம்மாதிரியான அரசியல்வாதிகள் பிச்சை எடுத்து சாப்பிடலாம்.

----------------------------------------------------------------------------------------------------

விண்ணைதாண்டி வருவாயா பார்த்தேன். கௌதம் தனது கதை சொல்லும் ஸ்டைலில் செதுக்கியிருக்கிறார். இசைப்புயல்தான் இப்படத்திற்கு உயிர் நாடி என்று சொலல்லாம். மிகவும் அழகாய், ஆர்ப்பாட்டமில்லாமல் இசையமைத்திருக்கிறார். ஒளிப்பதிவு கண்ணுக்கு குளிர்ச்சியாகவிருந்த்து, அப்புறம் சிம்பு, மனுஷன் இந்தளவு நடிப்பு திறமையுள்ளவரா என வியந்தேன், இவ்வாறு இன்னும் 2,3 படங்கள் நடித்தால் நான் சிம்புவின் தீவிர ரசிகராகிவிடுவேன், மன்மதனுக்கு பிறகு சிம்பு நடித்த படங்களில் நான் ரசித்த்து விண்ணைதாண்டி வருவாயா மட்டுமேயாகும். நீண்ட நாட்களுக்கு பின்னர் தியேட்டரில் ரசித்து பார்த்த காதல் கதை இதுதான் என நினைக்கிறேன்.

----------------------------------------------------------------------------------------------------

இந்த பதிவுலகில் நான் வியக்கும் ஒரு நபர் கன்கொன் எனப்படும் கோபி. காரணம் சென்ற பதிவை நான் பதிவிட்டு திரட்டிகளில் இணைக்க முன்னரே அப்பதிவிற்கு வாக்கு போட்டு, பின்னூட்டம் போட்டு முடித்து விட்டார். மனுஷன் எப்படிதான் இவ்வளவு விரைவாக பின்னூட்டம் போடுறாரோ தெரியவில்லை. எனது சமீபத்திய எல்லா பதிவுகளுக்கும் முதல் பின்னூட்டம் அவரிடமிருந்துதான் வந்தாலும் கோபி மேல் எனக்கு ஒரு கோபமுண்டு. அந்த மனுஷனின் நகைச்சுவை பதிவுகளிற்கு நான் ரசிகன், ஆனால் இப்போ முன்னரை போல் நகைச்சுவை பதிவுகளை போடாத கன்கொனுக்கு எனது கண்டனங்கள்

----------------------------------------------------------------------------------------------------

ஐ.பி.எல் – மறைக்கப்பட்ட மறுபக்கம் (பாகம் 2)

2010-03-08T23:13:00.000+05:30

இங்கிலாந்து சென்று 3 டெஸ்ட் கொண்ட தொடரை விளையாட வேண்டிய இலங்கை அணி, அங்கு சென்று விளையாட வில்லை. காரணம் முன்னணி வீரர்களான மகேல, சங்கக்கார, முரளி போன்றோர் ஐ.பி.எல் போட்டிகளில் விளையாட வேண்டும் என கூறி அத்தொடரை இரத்து செய்துவிட்டனர்.

அதிக காலம் இங்கிலாந்திற்காக விளையாடி சாதிப்பார் என எதிர்பார்க்கப்பட்ட பிளின்டொப், டெஸ்ட் மற்றும் ஒருநாள் போட்டிகளிலிருந்து ஓய்வு பெற்றுவிட்டார், ஆனாலும் ஐ.பி.எல்லில் விளையாடுவாராம். 1000 டெஸ்ட் விக்கட்டுகளை பெற்று சாதனை புரிவார் என எதிர்பார்க்கப்பட்ட முரளி. இந்த வருடத்துடன் டெஸ்ட் போட்டிகளிலிருந்து ஓய்வு பெற போகிறாராம், ஆனால் தொடர்ந்து ஐ.பி.எல்லில் விளையாடுவாராம். இலங்கையின் முன்னணி வேகப்பந்து வீச்சாளராக இருக்க வேண்டிய லசித் மாலிங்க கடந்த இரண்டு வருடங்கள் முழுமையாக விளையாடியது ஐ.பி.எல் தொடர்களில் மாத்திரம் தான். தனது நாட்டுக்காக விளையாடாமல் பிரெட் லீ ஐ.பி.எல. தொடரில் விளையாட விரும்புகிறார்

இவற்றை பார்க்கும் போது சர்வதேச வீரர்கள் தங்களது நாட்டுக்காக விளையாடுவதை காட்டிலும், ஐ.பி.எல்லில் விளையாடுவதை விரும்புவதாக தெரிகிறது, ஆனால் இதை ஆரோக்கியமாக எடுத்து கொள்ள முடியாது. காரணம்

1. அதிக பிரபலமல்லாத திறமையுடைய வீரர்களது எதிர்காலம் கேள்விக்குறியாகிவிடும்.

உதாரணமாக சங்கக்கார, மகேல, முரளி, டில்சான் போன்ற 4 அல்லது 5 பேர் ஐ.பி.எல் தொடரில் விளையாடுவதற்காக இலங்கை கிரிக்கட் அணி கொடுக்கப்போகும் விலை. அந்த அணியின் வீரரும் உலகிலுள்ள மிக சிறந்த விக்கட் காப்பாளருமான பிரசன்ன ஜயவர்தனவுக்கு இந்த காலப்பகுதியில் விளையாட போட்டிகள் கிடைக்காமல் போவதால் அவரது போர்ம் மற்றும் மனநிலை மாற்றம் காரணமாக அவரது திறமை மங்கிப் போகலாம்.

2. FTP யில் மாற்றங்களை ஏற்படுத்தால் பல நாடுகளுக்கு சர்வதேச போட்டிகள் இல்லாமல் போதல்.

சர்வதேச கிரிக்கட் அட்டவணையை மாற்றம் செய்வதால் அந்த காலப்பகுதியில் பல நாடுகளுக்கு போட்டிகள் அற்றுப்போதல். இதில் முக்கியமாக பாதிக்கப்பட போவது அதிகம் பிரபலமல்லாத அல்லது தனது ஒரு வீரரேனும் ஐ.பி. எல் தொடரில் விளையாடா சிம்பாபே, பங்களாதேஷ் போன்ற அணிகள்.

3. பந்து வீச்சாளர்கள் என்பவர்கள் ஓட்டங்களை கட்டுபடுத்துபவர்கள் மாத்திரமே என்னும் நிலை ஏற்படலாம்.

இன்னும் என்னை போன்ற பலருக்கு டெஸ்ட் போட்டிகள் பிடிக்க காரணம், அதிலுள்ள ஜீவன். திறமையுள்ளவாகள் மாத்திரமே அங்கு தொடர்ந்து சாதிக்கலாம். சச்சின் 20 வருடங்கள் டெஸ்ட் போட்டிகளில் சாதிப்பதற்கு காரணம் அவரது திறமை, ஆனால் திடீரெ னஒரு யுசுப் பதான் சச்சினை விட சிறந்த ஆட்டக்காரராக 20-20 போட்டிகளில் உருவகப்படுத்தப்படலாம், ஆனால் டெஸ்ட் போட்டி என வரும் போது யுசுப் பதானால் அவரது அதிரடியை மாத்திரம் கொண்டு சச்சின் போல் எதுவும் சாதிக்க இயலாது. காரணம் டெஸ்ட் போட்டிகளில் பந்து வீச்சாளர்களுக்கு முழு சுதந்திரமும் வழங்கப்பட்டுள்ளது.

மார்க் டெயிலர் தலைவராக இருந்த போது துடுப்பாட்ட வீரரை சுற்றி 6 பீல்டர்களை நிக்க வைத்து ஷேர்ன் வோனை பந்து வீச அழைத்து விக்கட்டுகளை கைப்பற்றியது போன்று 20-20 போட்டிகளில் ஷேன் வோர்னால் விக்கட்டுகளை பெற இயலாது காரணம் அவருக்கு பந்து தடுப்பாளர்களை விருப்பப்படி வைக்க முடியாது. அந்தளவுக்கு பந்து வீச்சாளரை கட்டுப்படுத்தி கிரிக்கட்டை துடுப்பாட்ட வீரர்களுக்கு மாத்திரமான விளையாட்டாக 20-20 போட்டிகள் மாற்றியது.

மேலும் எந்த பந்து வீச்சாளர்களையும் எதிர்த்து அநாயாசமாக அடித்து ஆடலாம் காரணம் பீல்டிங்கில் உள்ள கட்டுபாடுகள். முரளியின் விக்கட் எடுக்கும் போர்ம் குறைந்ததற்கு முக்கிய காரணமாக நான் கருதுவது ஐ.பி.எல்லில் அவரை எதிர்த்து துடுப்பாட்ட வீரர்கள் அதிக ஓட்டங்களை பெற்றதையாகும்.

4. அணி உரிமையாளர்களான பணக்காரர்கள் கிரிக்கட் வீரர்களை தங்களுக்கு வேண்டிய விதத்தில் விளையாட சொல்வது.

ஷாருக்கான் சொல்படி பொன்டிங், கிறிஸ் கெயில், இஷாந் சர்மாவும், விஜய் மல்லையாவுக்கு தேவையான படி காலிஸ், பீட்டர்சன், ட்ராவிட், கும்ளே விளையாடுவதும், சங்கக்கார, மகேல, யுவராஜ் போன்றோருக்கு பிரீத்தி ஷிந்தா போன்றோர் கிரிக்கட் பயிற்றுவிப்பதும் கிரிக்கட்டுக்கு நல்ல எதிர்காலமாக எனக்கு தெரியவில்லை.

இன்னும் சில விபரங்கள் அடுத்த பகுதியில்

ஐ.பி.எல் – மறைக்கப்பட்ட மறுபக்கம் (பாகம் 1)

2010-03-04T21:52:00.000+05:30

2007 ஆம் ஆண்டு உலகக்கோப்பையை வெல்லும் நோக்கோடு மேற்கிந்திய தீவுகளுக்கு சென்ற இந்திய கிரிக்கட் அணி, அப்போதைய ரேட்டிங்கில் கடைசியிடத்திலிருந்த பங்களாதேஷ் அணியிடம் தோல்வி கண்டு போட்டி தொடரிலிருந்து விலகி நாடு வந்த்தும் ரசிகர்களிடம் ஏற்பட்ட கொந்தளிப்பில் கேட்கப்பட்ட முதல் கேள்வி, “ஏன் இவர்களை விட நன்றாக விளையாடகூடிய வீரர்கள் நாட்டில் இல்லையா”. மேலும் முன்னணி வீரர்கள் விளம்பரம் நடிக்கும் நேரமளவுக்கு கூட கிரிக்கட் பயிற்சியிலீடுபடவில்லை என்னும் குற்றச்சாட்டும் முன்வைக்கப்பட்டது.

உலக கிண்ணத்தை 1983இல் இந்தியாவுக்கு கொண்டு வந்த தலைவரான கபில்தேவ், சிறந்த பல இளம் வீர்ர்களை சர்வதேச அளவுக்கு கொண்டு வருவதாக சூளுரைத்து, அந்த காலத்தில் இந்தியாவிலுள்ள பல இளம் கிரிக்கட் வீரர்களையும், சர்வதேச வீரர்களையும் கொண்டு உருவாக்கியதுதான் ஐ.சி.எல். ஆனால் இந்திய கிரிக்கட் வீரர்கள் கடையில் உடை வாங்க சென்றாலும் அந்த நிகழ்வை விற்று காசு சம்பாதிக்கும் இந்திய கிரிக்கட் சபைக்கு கபில் தேவின் இந்த நடவடிக்கை பிடிக்கவில்லை. இதற்கு முக்கிய காரணம் ஐ.சி.எல்லினால் இந்திய கிரிக்கட் சபைக்கு “பெரியளவில்” எந்த வருமானமும் இல்லாத்தாகும். இதனால் இந்திய கிரிக்கட் சபை அந்த லீக்கில் விளையாடும் வீரர்களை தடைசெய்த்து மட்டுமல்லாது, தனது பணபலத்தை வைத்து ஐ.சி.சியை பணிய வைத்து ஐ.சி.எல்லில் விளையாடிய சர்வதேச வீரர்களை சர்வதே போட்டிகளில் இருந்து ஒதுக்கி வைத்த்து. ஆனாலும் இம்முறையை கைகொண்டு இலாபம் சம்பாதிக்கலாம் என்பதை கண்டறிந்த இந்திய கிரிக்கட் சபை தொடங்கியதுதான் ஐ.பி.எல்.

ஐ.பி.எல். தொடங்கும் போது அதற்கு சொல்லப்பட்ட காரணம் இளம் இந்திய வீரர்களது திறமையை வளர்ப்பதற்கு என்பதாகும். இதற்கு தலைவராக திறமையான வியாபாரியான லலித்மோடியை களத்தில் இறக்கியது, இதற்கு முக்கிய காரணம் லலித்மோடி கிரிக்கட் வாரியத்தில் சேர்ந்ததன் பின்னர் இந்திய கிரிக்கட் வாரியத்தின் வருவாய் 7 மடங்காக அதிகரித்த்து. தேர்ந்த வியாபாரியான லலித் மோடி இந்த கிரிக்கட் வியாபாரத்தை நன்றாக திட்டமிட்டு இலாபகரமாக மாற்றுவார் என்பதை அறிந்துதான் தலைமை பதவியை அவருக்கு வழங்கினார்கள், அவர்களை லலித் மோடியும் ஏமாற்றவில்லை.

பணம் கொழிக்கும் 8 முக்கிய நகரங்களை அடிப்படையாக வைத்து 8 அணிகளை உருவாக்கி அதை ஏலம் விட்டு பெரும் வருமானத்தை பெற்றார். கிட்டத்தட்ட ஒரு அணி 67-112 மில்லியன் அமெரிக்க டொலருக்கு விற்கப்பட்டது. அதிக பட்சமாக மும்பாய் அணி 111.9 மில்லியன் அமெரிக்க டொலர்களுக்கும் ரிலையன்ஸ் நிறுவனத்தாலும் குறைந்த பட்சமாக ராஜஸ்தான் அணி 67 மில்லியன் அமெரிக்க டொலர்களுக்கு எமர்ஜிங் மீடியா நிறுவனத்தாலும் வாங்கப்பட்டது. இவ் ஏலத்தினால் இந்திய கிரிக்கட் வாரியத்திற்கு 700 மில்லியன் அமெரிக்க டொலருக்கு மேலே வருமானம் கிடைத்துள்ளது. மேலதிகமாக 10 வருடங்களுக்கு உத்தியோக புர்வ ஊடகமாக தெரிவு செய்யப்பட்ட சோனி நிறுவனம் 1.026 பில்லியன் அமெரிக்க டொலர்களை வழங்கியுள்ளது. தலைப்பில் (DLF IPL) தனது பெயரை போட்டு கொள்ள DLF நிறுவனம் ஐந்து வருடத்திற்கு 50 மில்லியன் அமெரிக்க டொலர்களை வழங்கியுள்ளது. நடுவர்களின் அனுசரனையாளர்களான கிங்பிஷர் நிறுவனம் 5 வருடத்திற்கு 26 மில்லியன் அமெரிக்க டொலர்களையும்மேலும் ஹீரொ ஹொன்டா நிறுவனம் 22 மில்லியன் அமெரிக்க டொலர்களையும் பெப்சிகோலா நிறுவனம் 12 மில்லியன் அமெரிக்க டொலர்களையும் வழங்கியுள்ளது.

இத்தனை மில்லியன் டொலர்களை இலாபமாக குவித்த இந்திய பிரிமியர் லீக்கும் இந்திய கிரிக்கட் சபையும் உலக கிரிக்கட்டுக்கு வழங்கியது என்ன வென அடுத்த பாகத்தில் எழுதுகிறேன்

நூடுல்ஸ்

2010-03-03T22:47:00.000+05:30

நேற்றிரவிலிருந்தே நித்தியானந்தா பரமஹம்சர் என்ற கழிசடை சாமியாரை பற்றிய பதிவுகள், ருவிட்டுகள் இணையத்தில் அதிகளவில் ஆக்கிரமிக்கப்பட்டு விட்டன. தனிப்பட்ட ரீதியில் சன் டீவி இதற்கு முக்கியத்துவம் கொடுத்து ஒளிபரப்பியதற்கு ஏதாவது அரசியல் காரணங்கள் இருக்கலாம், இருக்கவும் வேண்டும்.

இந்தளவிற்கு இப்படி பட்ட ஆட்களை சிகரத்தில் ஏற்றி வைப்பதும் ஊடகங்கள்தான், அவர்களை திடீரென்று அதால பாதளத்திற்கு தள்ளி விடுவதும் இதே ஊடகங்கள்தான். இப்போது பிரச்சினை சாமியாரோ, நடிகையே அல்ல. இந்த ஜென்மங்களின் காலை தொட்டு கையை தொட்டு வணங்கும் முட்டாள் பக்தர்கள்தான். சாமியாரின் பாலியல் தேவையை தனக்கு தேவைப்பட்ட ஒருத்தருடன் தீர்த்து கொண்டது ஒரு பெரிய குற்றமல்ல, காரணம் அந்தாளும் ஒரு சாதாரண மனிதர்தானே. அப்படி இருக்கும் போது ஏன் சாதாரண மனிதர்களை வணங்குகிறார்கள் என்பதுதான் இங்கு முக்கிய கேள்வி. மற்றபடி அடுத்தவர் படுக்கையறையில் நடப்பதை தொலைகாட்சியில் காட்டுவது என்பது அநாகரீகத்தின் உச்சக்கட்டம். ஆனால் சாதாரண மனிதனான ஒருத்தனை கடவுள் ஸ்தானத்திற்கு கொண்டு சென்றது யார் பிழை? முதல் பிழை ஊடகங்கள்தான் என்பது எனது கருத்து.

இந்த சாமியார் இவ்வளவு பிரபல்யமாவதற்கு எழுத்தூடகமான குமுதம் தனது வாசகர்களிடம் மன்னிப்பு கேட்குமா? சாதாரண ஆசா பாசம் கொண்ட மனிதனை கடவுளாக சித்தரித்துடன் மாத்திரமன்றி அவர்களுக்கு அறிவுரையும் வழங்க வழி ஏற்படுத்தி கொடுத்தற்காக தனது வாசகர்களிடம் மன்னிப்பு கேட்குமா?

இலங்கையிலும் அம்மா பகவான் பற்றிய கட்டுரைகள் தேசிய பத்திரிகைகளில் வெளி வந்து கொண்டிருக்கிறது. இது எவ்வளவு காலத்திற்கு என தெரியாது???

விழிப்புணர்வை ஏற்படுத்த வேண்டிய ஊடகமே போலி சாமியார்களை தலையில் தூக்கி வைத்து ஆடுவதா?

சாமிகளே உங்களது ஆசைகளை தீர்த்து கொள்வது பிழை என சொல்லவில்லை, தயவு செய்து மதத்தை வைத்து ஏமாற்றாதீர்கள்.

------------------------------------------------------------------------------------------------------------------------------------------------------------------

யாராலும் எட்ட முடியாத ஒரு நாள் போட்டியொன்றில் இரட்டை சதம் பெறும் சாதனையை சச்சின் முறியடித்து ஒரு நாள் போட்டியில் 200 ஓட்டங்களை பெற்றுவிட்டார். பல கிரிக்கட் சாதனைகளை தன்னகத்தே கொண்டிருக்கும் சச்சின் இந்தளவிற்கு முன்னேறியதற்கு அவரது தன்னடக்கமும் ஒரு காரணம் என நினைக்கிறேன். 20 வருடங்களுக்கு மேலாக விளையாடி வரும் சச்சின் மற்றைய சமகால இந்திய வீரர்களை போல பிரச்சினைகளை சந்திக்காததும் அந்த மாபெரும் வீரரின் தன்னடக்கத்திற்கு சாட்சிகளாகும். தோனி கொஞ்சம் இடம் கொடுத்திருந்தால் சச்சின் இன்னொரு 20-25 ஓட்டங்களை எடுத்திருக்கலாம் என நினைக்கிறேன்

சச்சினின் பேட்டிங் சாதனைகளும் முரளியின் பந்து வீச்சு சாதனைகளும் நீண்ட காலத்திற்கு அழியாமலிருக்கும் என நினைக்கிறேன்.

ஐ.பி.எல் பணத்திருவிழா தொடங்க போகிறது. லலித் மோடி என்ற பண முதலைக்கு அடுத்த மாதம் நல்ல இலாபம் கொழிக்க போகிறது. ஐ.பி.எல்லின் மறுபக்கம் பற்றிய ஒரு பதிவு அடுத்த வாரம் போடலாமென நினைத்திருக்கிறேன்.

------------------------------------------------------------------------------------------------------------------------------------------------------------------

சிலி நாட்டில் ஏற்பட்டிருந்த நிலநடுக்கத்தின் பயங்கரங்களை தொலைக்காட்சியில் பார்த்த போது 2012 படம் நினைவுக்கு வந்தது, இனியும் மனிதன் இயற்கையை எதிர்த்து தொழிற்படுவானாயின் எதிர்காலத்தில் பல இன்னல்களை சந்திக்க வேண்டி வரும்.

----------------------------------------------------------------------r--------------------------------------------------------------------------------------------

இலங்கை முன்னனி பதிவர்களின் பதிவுகள் சமீப காலமாக குறைந்து விட்டன, காரணம் என்னவென்று தெரியவில்லை. முக்கியமாக நம்ம வந்தியத்தேவனின் பதிவுகள் குறைந்தது எம்மை போன்று பின்னூட்ட கும்மியாளர்களுக்கு ஒரு பெரும் பிரச்சினையாக மாறியுள்ளது.

சந்தேகம் 1 - இனி மேல் வந்தி இலங்கை பதிவரா அல்லது இங்கிலாந்து பதிவரா? அவரை எப்படி அழைப்பது?

சந்தேகம் 2 - இங்கிலாந்திலிருப்பதால் இனி வந்தி ஆங்கிலத்தில் பதிவெழுதுவதாக முடிவெடுத்துவிட்டாரோ?

------------------------------------------------------------------------------------------------------------------------------------------------------------------

சிலி நாட்டில் ஏற்பட்ட நிலநடுக்கத்தில் ஓரு கட்டிடம் சரிந்து கிடக்கும் காட்சி

கற்றதும் பெற்றதும் - நான் வியந்த சுஜாதா

2010-03-01T21:44:00.001+05:30

தமிழில் பலரை நான் வாசித்திருந்தாலும் சுஜாதா என்னும் எழுத்தாளரளவுக்கு யாரையும் ரசித்திருக்கவில்லை, காரணம் அந்த எழுத்துகள் என்னை என்னுள் ஏற்படுத்திய இரசாயண மாற்றங்கள். அந்த அற்புத எழுத்தாளர் எழுதிய கதைகளை வாசித்த என்னுள் இன்னும் கணேஷ், வசந்த், ஜீனோ, மெக்சிகோ சலவைக்காரி என்னும் கதாபாத்திரங்கள் வாழ்ந்து கொண்டிருக்கின்றன. எனக்கு மட்டுமல்ல என்னை போன்ற பலருக்கு இவ்வாறுதான் என நினைக்கிறேன். நம்மை விட்டு சுஜாதா பிரிந்து சனிக்கிழமையுடன் இரண்டு வருடங்கள் ஆகிவிட்டன

இவர் கதை, நாடகம், திரைப்படம், கட்டுரை என பல விடயங்களை தொட்டு சென்றிருந்தாலும், அதில் எதிலுமே குறைவைக்காமல் வாசகனை திருப்திபடுத்தியிருக்கிறார். தமிழில் விஞ்ஞான உலகை புனைத்து கதை எழுதும் திறமை இவர் அளவுக்கு யாரிடமும் இருக்கவில்லை என்றே கூறலாம்.

80களின் பிற்பகுதியில் இவர் எழுதிய ஒரு கட்டுரையில் “எதிர் காலத்தில் கையில் தூக்கி கொண்டு செல்ல கூடிய தொலைபேசி கண்டுபிடிக்கப்படும், அது கண்டுபிடிக்கப்பட்ட பின் மனிதனின் ப்ரைவசி இல்லாமல் போய்விடும்” என கூறியிருந்தார். இவ்வாறு எதிர் காலத்தில் விஞ்ஞானவுலகில் நடக்க கூடிய விடயங்களை எதிர்வுகூறுவதில் இவருக்கு நிகர் இவரே.

இவரது கதைகளை வாசித்த பலருக்கு மெக்சிகன் சலவைக்காரி ஜோக் என்பது பிரபலமாகவிருக்கும், ஆனாலும் இதுவரை யாருக்குமே இந்த ஜோக் என்னவென்று தெரியாது, கணேஷ் வசந்த் என்னும் பாத்திரங்களை தனது கதைகளில் பயன்படுத்தி அவர்களை பிரபல்யமாக்கிய இவரது கதைகள் திரைப்படமாகியிருக்கின்றன. சங்கர், மணிரத்தினம் எனும் பிரபல இயக்குனர்களின் வலது கரமாக இருந்த சுஜாதாவின் இழப்பு தமிழ் சினிமாவுக்கு பெரிய அடியாக அமைந்தது என்றால் மிகையில்லை. தமிழ் திரைப்பட வரலாற்றில் மிகப் பெரிய சினிமாவாக அமையவிருக்கும் எந்திரன் படம் சுஜாதாவின் கதை என்று கூறப்படுகிறது, அப்படி அமைந்தால் மகிழ்ச்சியே..

ஆனாலும் தமிழ் சினிமா சுஜாதா என்னும் மாபெரும் எழுத்தாளனுக்கு செய்யக் கூடிய உதவி என்னவென்றால் அவரது கதைகளை படமாக்குகிறேன் என ஆனந்த தாண்டவம் போன்ற படங்களை வெளியிட்டு அந்த எழுத்துகளை கொலை செய்யாமலிருப்பதேயாகும். தயவு செய்து அந்த எழுத்துக்களை எழுத்துக்களாகவே வாழ விடுங்கள், படமாக்குகிறேன் என சுஜாதாவின் எழுத்துகளை அசிங்கப்படுத்தாதீர்கள். அவரது கதைகளை படமாக்கியதில் விக்ரம் எனக்கு பிடித்த படம், ஆனந்த தாண்டவம் திரைப்படம் பிடிக்காமல் போனதற்கு பிரிவோம் சந்திப்போம் நாவல் ஏற்படு்த்திய அனுபவத்தை திரைப்படம் தராமல் போனதாயிருக்கலாம்.

சுஜாதா என்னும் ரங்கராஜன் எழுதிய கணையாளியின் கடைசிப்பக்கங்கள், கற்றதும் பெற்றதும் போன்ற கட்டுரை தொகுப்புக்கள் வாசிக்க வாசிக்க இனிமையானவை, இளமையானவை, குறும்பானவை. கற்றதும் பெற்றதும் தொடர் நின்ற பின்னர் ஆனந்த விகடனை வாசிப்பதை நிறுத்தி விட்டேன். ஆனால் இன்றும் நேரம் கிடைதால் பழைய ஆனந்த விகடன் சஞ்சிகை எடுத்து கற்றதும் பெற்றதும் வாசிப்பேன், எத்தனை முறை வாசித்தாலும் புதிய அனுபவத்தை தரக்கூடிய வல்லமையை அக்கட்டுரைகள் கொண்டிருக்கின்றன.

இவரும் பிரபல இந்திய விஞ்ஞானி அப்துல் கலாமும் ஒரே வகுப்பில் படித்தவர்கள் என்பது குறிப்பிடதக்கது. இந்தியாவில் நடைமுறையிலிருக்கும் மின்னணு வாக்கு பதிவு இயந்திரத்தை கண்டு பிடித்தவர் சுஜாதாவாகும்.

சுஜாதா இன்னும் கொஞ்சம் காலம் வாழ்ந்திருந்தால் இன்னும் பல விடயங்களை எழுதியிருப்பார், நாம் கொடுத்து வைத்தது அவ்வளவுதான்..

சுஜாதா என்னும் எழுத்தாளரின் எழுத்துக்களில் நான் கற்றதும் பெற்றதும் ரொம்ப அதிகம்...

நூடுல்ஸ்

2010-02-23T21:40:00.002+05:30

பொதுவாக நடிகராக அஜித் என்பவரை எனக்கு பிடிக்காது, ஆனால் அந்த மனுஷனின் உள்ளதை உள்ளபடி பேசும் குணம் பிடித்திருக்கிறது. ஆட்சியாளர்களுக்கு ஏற்ற வகையில் மாறி மாறி ஜால்ரா போடும் நடிகர்களுக்கு மத்தியில் அல்டிமேட் ஸ்டார் ஒரு வித்தியாசமான மனிதர், ஆனானப்பட்ட ரஜனியே ஜெயலலிதாவை பற்றி “இவங்க ஆட்சி தொடர்ந்தால் இனி தமிழகத்தை கடவுளாலும் காப்பாற்ற முடியாது” என கூறிவிட்டு கலைஞருக்கு அடுத்து ஜெயலலிதா முதல்வரானதும் ஜெயல்லிதாவின் துணிச்சலை கண்டு வியப்பதாக அவர் முன்னாலே மேடையில் பேசி அந்தர் பல்டி அடித்ததை பலர் பார்த்திருப்பர்.

இன்று அரசியலுக்கு வருவேன், இல்லை வரமாட்டேன், அடுத்த சனிக்கிழமை வருவேன், இப்போதைக்கு வருவதாக இல்லை எதிர்காலத்தில் எது வேண்டுமானாலும் நடக்கலாம், என் கையில் எதுவுமேயில்லை என பேட்டி கொடுத்து பம்மாத்து காட்டி ரசிகர்களை உசுப்பேத்தும் நடிகர்களுக்கிடையில் அஜித் வித்தியாசமான மனிதராக தெரிகிறார். ஏனென்றால் தமிழ் சினிமாவில் எது நடந்தாலும் அடுத்த்தாக கலைஞருக்கு பட்டமளிப்பு விழா அல்லது பாராட்டு விழா என அவ்வளவு பேரும் கலைஞரை பற்றி மேடையில் ஜால்ரா அடிப்பதை போலில்லாமல் மனதில் பட்டதை கூறியிருக்கிறார். இதனால் அஜித்துக்கு ஒரு ரசிகன் கூடியிருக்கிறான் (நான் என்னை சொன்னேன்)

ஓரு சின்ன சந்தேகம் – இவ்வளவு பேர் தன்னை புகழுவதை எப்படி இந்த மனுஷன் தொடர்ந்து கேட்டு கொண்டிருக்கிறதோ?

இன்னொரு சின்ன சந்தேகம் – சினிமாவுக்கு கதை எழுதுவது, சினிமா நடிகர்களை சந்திப்பது, சினிமா விழாக்களில் கலந்து கொள்வது, பட்டம் வாங்கி சேர்த்து கொள்வது, சினிமா நடிகர்களின் சின்ன வீட்டு பிரச்சினைகளை தீர்ப்பது போன்ற வேலைகளை எல்லாம் செய்து முடித்த பின்னர் 6 கோடி பேரை ஆளுவதற்கு முதல்வருக்கு நேரமிருக்கிறதா?

------------------------------------------------------------------------------------------------------

ஞாயிற்றுக்கிழமை ரொம்ப நாளைக்கு அப்புறம் கிரிக்கட் போட்டி ஒன்றை கொஞ்சமாக பார்க்க வாய்ப்பு கிடைத்த்து, இந்திய தென்னாபிரிக்க ஒரு நாள் போட்டிகளில் பல முன்னணி வீரர்கள் இல்லாதது பரபரப்பை குறைக்கும் என நினைத்து தான் பார்த்தேன். ஆனால் எனக்கு செம திரில் போட்டி ஒன்றை பார்க்கும் வாய்ப்பு கிடைத்த்து, ஆனாலும் போட்டியில் இந்தியாவுக்கு கிடைத்த அதிஷ்டம் தென்னாபிரிக்காவுக்கு இருக்கவில்லை எனப்படுகிறது,

1. 1. இந்தியாவின் 50வது ஓவரில் ஆஷிஸ் நெஹ்ராவின் துடுப்பில் படாத பந்து விக்கட்டில் படுகிறது, ஆனால் அவர் ஆட்டமிழக்கவில்லை. காரணம் பெயில்ஸ் கீழே விழவில்லை மாறாக அந்த பந்து எல்லைக்காட்டை தாண்டி இந்திய அணிக்கு 4 ஓட்டங்களை பெற்றுக் கொடுக்கிறது.

2. 2. 49வது ஓவரில் ஆறு நான்கு ஓட்டங்களாக வாரி கொடுத்த நெஹ்ரா கடைசி பந்தை அகலபந்திற்கான எல்லையை நோக்கி வீசுகிறார், ஆனால் அது அகலப்பந்தாக அறிவிக்கபடவில்லை, கட்டாயம் இந்தியா துடுப்பெடுத்தாடியிருந்தால் அது அகலப்பந்தாக அறிவிக்கப்பட்டிருக்கும்.

3. 3. 50வது ஓவரில் லங்கவெல்ட் அடித்த பந்து எல்லைக்கோடு வரை செல்லும் போது சச்சின் கீழே விழுந்து அதை தடுக்கிறார், ஆனால் நடுவருக்கு அது 4 ஓட்டமா இல்லையா என சந்தேகம், ஆனால் இந்தியாவின் அதிர்ஷமாக அதை கிட்டிய கோணத்தில் எந்த கேமராவும் படமெடுக்கவில்லை, சந்தேகத்தின் பயனை இந்தியாவிற்கு நடுவர் வழங்கினார்.

இதில் ஏதாவது ஒரு நிகழ்வு கொஞ்சம் மாறுபட்டிருந்தால் இந்தியா ஒரு ஓட்டத்தால் வென்ற இப்போட்டியின் முடிவு மாறியுமிருக்கலாம்.

மீண்டும் ஒரு சந்தேகம் – கடைசி நேரத்தில் மைதானத்தில் பந்து தடுக்க ஷேவாக்கை காணவில்லை, ஒரு வேளை பந்தை மைதானத்திற்கு வெளியே காலால் உதைத்து அனுப்பிவிடுவார் என்னும் பயத்தில் அவரை தோனி ரெஸ்ட் ரூமிலே இருக்க சொல்லி விட்டாரோ?

------------------------------------------------------------------------------------------------------

எனது மொபிடெல் (மொபைல் ப்ரோட்பேண்ட் இணைய) இணைப்பை விட்டு வேறு இணைப்பிற்கு செல்ல்லாம் என நினைக்கிறேன், காரணம் மொபிடெல்லில் அறிமுகப்படுத்தப்படும் சலுகைகள் அனைத்தும் அரசாங்க ஊழியர்களுக்கே வழங்கப்படுகிறது. எங்களை போன்ற தனியார் நிறுவனத்தில் வேலை செய்பவர்களை அவர்கள் கணக்கில் எடுப்பதேயில்லை, இவ்வளவுக்கும் நான் மொபிடெல்லின் ஒரு பழைய வாடிக்கையாளர், ஆனால் என்னைவிட புதிதாக மொபிடெல்லில் இணையும் அரசாங்க ஊழியர்களுக்கு அதிக பயன்கள் வழங்கப்படுகிறது, இது எங்களை போன்ற பழைய வாடிக்கையாளர்களுக்கு அவர்கள் செய்யும் அநீதியாகவே பார்க்கிறேன். ஆனால் புதிதாக எந்த கனெகஷக்கு போவது என தீர்மானிக்க இயலாமலிருக்கிறேன்

------------------------------------------------------------------------------------------------------

இவ்வாரம் எங்களை விட்டு பிரிந்த இலங்கை தமிழ் கலையுலகின் பல்கலை வேந்தன் ஸ்ரீதர் பிச்சையப்பாவிற்கு எனது அஞ்சலிகள். கடைசியாக “இருக்கிறம்” ஏற்பாடு செய்த அச்சுபதிவு சந்திப்பிற்கு வருகை தந்திருந்த போது அவருடன் கொஞ்சம் பேச கிடைத்த்து. அன்னாரின் ஆத்மா சாந்தியடைய பதிவர்கள் சார்பில் வேண்டி கொள்கிறேன்.

------------------------------------------------------------------------------------------------------

எதிர்வரும் 27ம் திகதி எழுத்தாளர் சுஜாதா எம்மை விட்டு பிரிந்து இரண்டு வருடமாகிறது. அவர் தமிழ் எழுத்துத்துறையில் ஏற்படுத்திவிட்டு சென்ற இடைவெளி இன்னும் யாராலும் நிரப்பப்படாமலே இருக்கிறது. யாராலும் அந்த இடத்தை முழுமையாக நிரப்ப முடியும் என நினைக்கவும் முடியாது, காரணம் அவரை போல் சகல விடயங்களையும் பற்றி தெளிவாகவும் எளிமையாகவும் எழுதுபவர்கள் ரொம்பவே குறைவு. சுஜாதா பற்றி இந்த வாரம் ஒரு பதிவெழுத நினைத்திருக்கிறேன், பார்ப்போம் நேரம் கிடைத்தால் கட்டாயம் எழுத வேண்டும்.

------------------------------------------------------------------------------------------------------

”விண்ணைத்தாண்டி வருவாயா“ ரிலீசாக போகிறதாம் எப்படியும் முதல் வாரத்திலே பார்த்துவிட வேண்டும் இந்த படத்தை நான் விரும்பி பார்க்க விருப்பதற்கு ஒரே ஒரு காரணம் தான் இருக்கிறது, அது ஆஸ்கார் விருது வென்ற பின்னர் ஏ.ஆர். ரகுமானின் இசையில் தமிழில் வெளிவரும் முதல் படம் என்பதாலாகும்.

பதிவர்களின் காதலர் தினம் - பகுதி 2

2010-02-19T21:08:00.000+05:30

சென்ற வாரம் நான் எழுதிய (கிறுக்கிய) காதலர்களின் காதலர் தின கொண்டாட்டங்கள் பற்றிய “டணால்” அறிக்கையின் தொடர்ச்சி......

பதிவர் லோஷன்
இந்த வருட காதலர் தினத்தை பல காதலிகளோடு கொண்டாடிய பிரபல மூத்த பதிவர் லோஷன் அவர்கள் இரவு வீடு செல்ல நேரமாகியது, நேரம் சென்று வீட்டுக்கு வந்த லோஷனை அண்ணி “ஏன் லேட்?” என கேட்க , அதற்கு வெற்றி எப்.எம் இரண்டாவது வருட புர்த்தி கொண்டாட்டங்களில் நேரம் போய்விட்டதாக பொய் சொல்லி சமாளித்தாகவும் பட்சி கூறுகிறது.

கடந்த முறை 3 காதலிகளுடன் காதலர் தினத்தை கொண்டாடிய லோஷன் இம்முறை 5 காதலிகளுடன் காதலர் தினத்தை கொண்டாடியதாகவும் பட்சி சொல்லியது

பதிவர் புல்லட்
காதலர் தினத்தில் காதலி கிடைக்காத சோகத்தில் மனுஷன் கோவா படத்தை பார்த்து விட்டு நண்பரொருவருடன் முழு நாளும் கோல்பேசில் நேரத்தை போக்கியதாக தகவல். கலகல பார்ட்டியான மனுஷன் காதலி கிடைக்காத சோகத்தில் இப்போவெல்லாம் சீரியஸ் பதிவிடுவது அனைவரும் அறிந்ததே.

மனுஷன் கோவா படம் பார்த்ததும், முன் வீட்டு நாணிப்பாட்டி புல்லட்டை காதலர்தினத்தன்று தேடியதும், நண்பரோடு பொழுதை போக்கியதும் ஒன்றுடனொன்று தொடர்பில்லாத விடயங்கள் என பட்சி கூறுகிறது.

பதிவர் வரோ
நட்சத்திர கலை விழா பதிவை சிறப்பாக எழுதி பதிவிட்டு தூங்கிய மனுஷன் காதலர் தினத்தன்று முழித்து பார்க்கும் போது கட்டிலை சுற்றி பல இளம் பெண்கள் இவருக்காக காதலர் தின அட்டைகளை நீட்டி கொண்டிருந்ததை கண்ட வரோ சந்தோஷம் தாளாமல் ஒரு பெண்ணை தெரிவு செய்து இவளை நாம் காதலியாக்கி கொள்ளுவோம் என நினைத்து அவளது காதலர் தின அட்டையை வாங்க கை நீட்டினார்.படார் என சத்தம்

என்னவென்று பார்த்தால் இவ்வளவு நேரமும் கனவு கண்ட மனுஷன் காதலியை நோக்கி கை நீட்ட எத்தனித்ததில் கட்டிலில் தூங்கியவர் கீழே விழுந்து கால் சுளுக்கி கொண்டதாக தகவல்கள் தெரிவிக்கின்றன.

பதிவர் பங்குச்சந்தை அச்சு

பங்குசந்தை பற்றி எழுதும் பதிவர் காதலி தேடி இலங்கைக்கும் மலேசியாவுக்கும் பறந்து பறந்து ஒருவாறு காதலி ஒருத்தியை தேடி கண்டுபிடித்து இருவரும் தாறுமாறாக காதலிக்க தொடங்கினர். பெரிய வியாபாரியான அப்பெண்ணுக்கும் நம்ம பதிவருக்கும் இடையில் ஏதொ ஒரு நிறுவன பங்குகளை வாங்குவதில் ஏற்பட்ட முறுகலில் கடந்த ஒரு வாரமாக இருவருக்கிடையிலான பேச்சுக்கள் ரத்து. காதலியுடன் மௌன மொழியில் கதைத்து காதலர் தினத்தை கொண்டாடிய நம்ம பதிவர் இப்போதெல்லாம் வாயில் முணு முணுக்கும் பாட்டு வரி

“நீ காதலிக்கும் பொண்ணு காதலிக்கும் பொண்ணு காதலிக்கலேன்னா கவலைப்படாதே கண்ணா கவலைப்படாதே”

இப்பாடலை இவர் கன்கொனுக்கு ஆதரவாக பாடுவதாக கன்கொன் கோபி நினைத்திருக்கிறார். உண்மையில் இது அவரே அவருக்காக பாடும் பாடலாகும்.

பதிவர் ஆதிரை
படம் காட்டும் பதிவரான (பதிவுலகில் சொல்கிறேன்) இவர் காதலர் தின கொண்டாட்டத்தை வேலைத்தளத்தில் காதலிகளுடன் விமர்சையாக கொண்டாடி விட்டு கிடைத்த பரிசுப் பொருட்களை யாருக்கும் காட்டாமல் ஒளித்து வைத்துள்ளதாகவும் அந்த பரிசு பொருட்களை கொண்டு செல்ல “கன்டெயினர் ” ஒன்றை தேடுவதாகவும் தகவல்கள் கசிந்துள்ளன.

பதிவர் கௌபோய் மது
மஜா பதிவர் என்றழைக்கப்படும் பதிவர் மது காதலர் தினத்தன்று மிஸ்ஸிங் இவரை பற்றி தகவல் சேகரிக்க சென்ற எமது குழுவும் மிஸ்ஸிங்.

யாராவது இவங்களை கண்டால் பின்னூட்டத்தில் சொல்லிட்டு போங்க

இப்பதிவு சிரிப்பதற்கு மாத்திரமே என்பதை கூறிக்கொண்டு, இந்த மொக்கை பதிவின் இரண்டாம் பாகத்தை எழுத சொல்லி டிவிட்டிய அனுதினனுக்கு நன்றி சொல்கிறேன். இவரை பற்றி அதிகம் தெரியாததால் இவரது கொண்டாட்டம் பற்றி எழுத முடியவில்லை, அனுதினனை பற்றி நன்றாக தெரிந்த யாராவது பின்னூட்டத்தில் இவரது காதலர் தின கொண்டாட்டத்தை பற்றி எழுதவும்

நூடுல்ஸ்

2010-02-18T21:37:00.000+05:30

கடந்த வாரம் எனக்கு வயிற்று வலி ஏற்பட்டதன் காரணமாக எங்களுக்கு கிட்டிய இடத்தில் இருக்கும் ஒரு தனியார் வைத்தியசாலைக்கு சென்றேன், அங்கு எனக்கு ஏற்பட்டிருப்பது உணவு ஒவ்வாமையினால் (Food Poison) ஏற்பட்ட வருத்தம் என மருந்து கொடுத்தனர், ஆனாலும் வலி குறையாமையால் அடுத்த நாளும் மருந்து எடுக்க வேறு ஒரு தனியார் வைத்தியசாலைக்கு சென்றேன், அங்கு என்னை சோதித்து எனக்கு ஏற்பட்டிருப்பது தசைப்பிடிப்பு எனக்கூறி மருந்து தந்தனர். அந்த மருந்தால் தான் எனது வருத்தம் குணமாகியது.

எனது கேள்வி “இப்படி எல்லாம் மருந்து கொடுக்கும் இந்த வைத்தியர்களையும், தனியார் வைத்தியசாலைகளையும் கவனிக்க யாருமில்லையா?” காரணம் நான் நோயால் பட்ட வருத்தத்தைவிட பிழையான மருந்தை உட்கொண்டதால் இரண்டு நாட்கள் ரொம்பவே கஷ்டப்பட்டுவிட்டேன். இதே நிலை சிறுவர்களுக்கு ஏற்பட்டால் என்ன நடக்கும்?????

--------------------------------------------------------------------

கூகுல் புஸ்ஸோ இல்லை பஸ்ஸோ என ஒன்றை அறிமுகப்படுத்தியிருக்கிறது, இதை அவர்கள் பேஸ்புக்குக்கும் டிவிட்டரும் இணைந்த ஒரு சேவையாக தான் அறிமுகப்படுத்தியிருக்கிறார்களாம். டிவிட்டர்க்கு போட்டியாக வந்தாலும் பேஸ்புக்கை மாற்றிட இப்போதைக்கு இயலாது என நான் நினைக்கிறேன். காரணம் பேஸ்புக்கின் விஸ்தீரணம் அதிகம்.

எனது பாடசாலை நெருங்கிய நண்பன் ஒருவன் பள்ளி காலத்திற்கு அப்புறம் தொடர்பற்றிருந்தேன், சென்ற மாதம் பேஸ்புக்கில் அவன் என்னை பார்த்து என்னுடன் தொடர்பு கொண்டு இப்போது பிரான்சில் இருப்பதாக சொன்னான், இதே போல் பலரது பல நண்பர்களை பேஸ்புக் இணைத்துள்ளது. மேலும் எனது நண்பர்களும் உறவினர்களும் பல ஊர்களிலும், பல நாடுகளிலும் இருந்தாலும் அவர்கள் என்னைவிட்டு தூர இருப்பதாக ஒரு நாளும் எண்ணியதில்லை. இதற்கெல்லாம் காரணம் இந்த மூஞ்சி புத்தகம். இப்போதெல்லாம் நாங்கள் பேஸ்புக்கில் இடப்படும் ஸ்டேஸ் மெசேஜ், புகைப்படங்கள், வீடியோக்கள் அதே கணம் உலகிலுள்ள பலரையும் சென்றடைந்து எங்களது உணர்வுகளை பகிர செய்வதன் எங்களுடன் மிகவும் நெருங்கியமைந்து காணப்படுகிறது இந்த மூஞ்சிப்புத்தம், (இதற்கு போட்டியாகவுள்ள My Space, HI5, Friend Star என எதுவும் இலங்கையில் மூஞ்சிப்புத்தமளவுக்கு பிரபல்யமாகவில்லை).

இந்தளவு எங்களோடு உணர்வுபுர்வமாகஇணைந்துள்ள பேஸ்புக்கை கூகுலால் வெல்ல முடியாதென்றே நினைக்கிறேன்.

--------------------------------------------------------------------

சென்ற வாரம் எமது நிறுவனத்தை சகா சேர்ந்த ஒருவர் தனது காரில் இரவு நேரத்தில் தூர பிரயாணிக்கும் போது ஒரு வணக்கஸ்தலத்திற்கு அருகாமையில் காரை விட்டு இறங்கி கடவுளை வணங்கிவிட்டு உண்டியலில் ஒரு சில்லறை நாணயத்தை போட்டு காரில் ஏறும் போது ஒருவன் கத்தியை காட்டி பயமுறுத்தி காரை பறித்து கொண்டு சென்றுவிட்டான்.

காரையும் திருடனையும் அன்றிரவே பிடித்தாயிற்று. ஆனாலும் இரவு நேரங்களில் வாகனங்களில் பயணிப்பவர்கள் சற்று கவனமாக இருக்கவும், இரவு நேரங்களில் வாகனங்களை ஆள் நடமாட்டமில்லாத இடங்களில் நிறுத்துவதை தவிர்த்தல் நலம்.

--------------------------------------------------------------------

அசல், தமிழ்படம் ஆகிய இரு படங்களை இந்த வாரம் பார்த்தேன், தமிழ் படம் மிகவும் சிறப்பாக இருந்த்து. ரஜனி, கமல், விஜய், விக்ரம், அஜித், சூர்யா படங்கள் முதல் அந்த கால படங்கள் வரை கலாய்த்திருக்கின்றனர். நண்பர்களோடு இணைந்து சிரித்து சிரித்து பார்க்க இந்த படம் மிக சிறந்த்து, இதை பார்த்த பின்னரும் பஞ்ச் டயலாக் பேசுவது, ஒரே பாட்டில் பணக்காரனாவது, சென்னை ரயில் நிலையத்தை அடையாளமாக காட்டுவது, விரல் வித்தை செய்வது, அறிமுக காட்சியில் சண்டை, குடும்ப பாட்டில் ஒன்று சேர்வது, பட்டங்கள் வைத்து கொள்ளுதல், வயதான நடிகர்களை நண்பர்களாக நடிக்க வைப்பது என்பவற்றை யாராவதும் செய்தால் அதை பார்த்து நாம் சிரிக்க வேண்டியதுதான்.

அசல் படம் பில்லா பாதிப்பில் அஜித் நடித்திருக்கும் இன்னொரு படம். விஜய்க்கு நடனம் எவ்வாறோ, அஜித்துக்கு நடை அவ்வாறே. தல படம் முழுதும் ஸ்லோமோஷனில் நடந்திருக்கிறார். முதல் பாதி விறுவிறுப்பாக போகும் படம் பம்பாய் வில்லனின் சாவிற்கு பிறகு ஸ்லோமோஷனில் போகிறது. இடைவேளையின் பின் நடக்கும் சம்பவங்கள் அனைத்தும் நாம் எதிர்பார்த்த படியே நடப்பது படத்தின் மைனஸ்.

--------------------------------------------------------------------

இன்று முடிந்த இந்திய தென்னாபிரிக்க இரண்டாவது டெஸ்ட் கிரிக்கட் போட்டி மிகவும் விறுவிறுப்பாக நடந்து, கடைசி ஓவருக்கு முந்திய ஓவரில் இந்திய வெற்றி பெற்றிருக்கிறது, ஆனாலும் தென்னாபிரிக்கா வீரர் ஹாசிம் ஹம்லா கடைசி வரை போராடியது பாராட்ட தக்கது. இதன் மூலம் இந்தியா தரப்படுத்தலில் முதலிடத்தை தக்கவைத்து கொண்டாலும், தனிப்பட்ட ரீதியில் இந்தியா இம்முதலிடத்தில் இருப்பது எனக்கு பிழை என்றே படுகிறது. இந்திய முதலிடத்தை பெற்ற போட்டியில் இரண்டு இனிங்சிலும் போமிலிருந்த டில்ஷானுக்கு கொடுக்கப்பட்ட பிழையான ஆட்டமிழப்புக்கள் காரணமாகவே இந்தியா அப்போட்டியில் வென்றது, அதே போட்டியில் சரியான ஆட்டமிழப்பு ஒன்று வழங்கப்படாத ஷேவாக் ஆடிய புயல் ஆட்டமும் இந்தியா வெல்ல ஒரு காரணமாகும்.

--------------------------------------------------------------------

கடைசியில் இவ்வாரம் பிறந்த நாள் கொண்டாடிய நம்ம பவனுக்காக அவரது காதலி (என எந்நேரமும் பிதற்றும்) எமா வெட்சனின் படம்

பதிவர்களின் காதலர் தினம் - பகுதி 1

2010-02-11T22:37:00.000+05:30

காதலர் தின கொண்டாட்டங்கள் உலகம் முழுவதும் களை கட்ட தொடங்கியிருக்கின்றன. இலங்கையிலுள்ள நம் பதிவர்கள் இந்நிகழ்வுக்கு எப்படி தயாராகியிருக்கின்றனர் என்பது பற்றிய டணால் அறிக்கை (பகீர் அறிக்கை என பத்திரிக்கையில் வருவதால் இது டணால் அறிக்கை). தன் உயிர் பற்றி கூட சிந்திக்காது வேவு பார்த்து இக்கட்டுரையை எழுதுவது யோ 007....

பதிவர் சுபாங்கன்

”போன வருஷம் நாம ட்ரை பண்ணுன பிகர், இந்த முறை யார லவ்விட்டு இருக்கோ தெரியாது, எதுக்கும் நம்ம ஸ்பெஷல் ஹெயார் கட்டிங் செய்து யாரையாவது கவர் பண்ண பார்க்க வேண்டும்,” என பச்சை நிறத்தில் உடை தயார் செய்கிறார் கொழும்பு பல்கலைகழக காதல் மன்னன் ஐந்தறைப் பெட்டி சுபாங்கன்

இவர் வருடம் முழுவதும் ட்ரை பண்ணிய கெம்பஸ் பிகர்களின் எண்ணிக்கை 250ஐ தாண்டுவதால் இம்முறை வேறு இடத்திற்கு செல்ல முடிவு செய்துள்ளார். இடம் நிச்சயமாக தெரியாததால் எங்கு சென்று இவருக்கு காதலர் தின வாழ்த்தட்டை வழங்குவது என இவரது காதலிகள் திண்டாட்டத்தில் இருக்கின்றனர்.

பதிவர் (இட்லி போய்) கோபி

”நம்ம லெவலுக்கு ஒரு ஐஸ்வர்யா ராய் வரும்” என இருந்த கோபிக்கு அபிஷேக் அவரை திருமணம் செய்த செய்தி சில நாட்களிற்கு முன்னரே தெரிய வந்ததால் அபிஷேக் மீது கடும் கோபத்தில் இருக்கிறார். வடை போனதால் கோவம் மற்றும் கவலையில் இருக்கும் கோபி ஏதாவது பெண்களின் ஹாஸ்டலை முற்றுகையிடலாம் என நம்ப தகுந்த வட்டாரங்களிடமிருந்து செய்தி வந்திருக்கிறது.

எதற்கும் கவனமாயிருங்கள் ஹாஸ்டல் பெண்களே....

பதிவர் பவன்

தனது படங்களை ரசித்து தினமும் காதல் கடிதம் எழுதும் பெண் ரசிகைகளிலிருந்து (ரசிகைகள் என்றாலே பெண்கள்தானே அப்புறம் என்ன பெண் ரசிகைகள் என யாரும் கேள்வி கேட்க கூடாது? அப்புறம் உங்களை பற்றியும் அவர் படம் போட்டுடுவார்) யாரையாவது தெரிவு செய்யும் யோசனையிலிருக்கும் இவர், திருகோணஸ்வரத்திற்கு வரும் யாரையாவது தெரிவு செய்யலாமா எனவும் யோசித்து வருகிறார்.

எதற்கும் நாம் கவனமாயிருக்க வேண்டும், மனுஷம் 15ம் திகதி எரிந்தும் எரியாமலும் வந்தாலும் வந்திடுவார்.

பதிவர் வந்தியத்தேவன்

இப்போது இங்கிலாந்திலிருக்கும் இவர் வெள்ளைக்கார பெண்களை கணக்கு செய்ய போய் சில பல உள் காயங்களுடன் வலம் வருவதாக தகவல். எனினும் எதற்கும் மனம் தளரா வந்தி அவர்கள் இங்கிலாந்தில் (தான் தனியாக மட்டும்) இருக்கையில் எடுக்கப்பட்ட படங்களை மூஞ்சிப்புத்தகத்தில் போட்டு உலகம் முழுவதும் காதலி தேடுகிறார்.

இப்போதைக்கு இவர் இங்கிலாந்து இளவரசி ஒருத்தருடன் காதல் வயப்பட்டிருப்பதாகவும், அதனால் பக்கிங்காம் அரண்மனையில் இவ்வருட காதலர் தினத்தை கொண்டாடவிருப்பதாகவும் செய்திகள் கசிந்துள்ளன. இவரது பழைய காதல் கதைகளை கேள்விப் பட்டால் மகாராணி இவருக்கு என்ன தண்டனை வழங்குவார் என இவரது பதிவுலக சகாக்கள் கவலையுடன் கலந்துரையாடி கொண்டிருக்கின்றனர்.

இங்கிலாந்தில் பதிவர் வந்தியில்

முதுகில் வரையப்பட்டுள்ள இதயம்

மற்றைய பதிவர்களின் தகவல்கள் நாளை தொடரும்

கிரிக்கட்டோ கிரிக்கட்..... (தொடர் பதிவு)

2010-02-11T00:08:00.000+05:30

எரிந்தும் எரியாமலும் எழுதும் பதிவெழுதும் பவனின் பதிவில் என்னையும் இப்படி பதிவெழுத யாராவது அழையுங்கள் என பின்னூட்டினேன், மாலையில் வந்து பார்த்தால் “நமக்கொரு அடிமை சிக்கிட்டான்” என ஐந்தறை (மணிக்கே) பெட்டியில் பதிவழுதும் சுபாங்கனும், இட்டிலி போய் அல்லது கன் கொன் என பதிவெழுதும் கோபியும் என்னை இத்தொடர்பதிவை தொடர அழைத்திருக்கிறார்கள். கிரிக்கட் எப்போதுமே எனக்கு பிடித்த விளையாட்டு என்பதால் விருப்பத்துடன் இத்தொடர் பதிவை எழுதுகிறேன்.

இத்தொடர் பதிவின் விதிகள்
§ உண்மையை மட்டுமே சொல்லவேண்டும்.

§ தற்போது கிறிக்கற் விளையாடும் வீரர்கள் மட்டுமே குறிப்பிடவேண்டிய அவசியமில்லை

§ குறைந்தது இருவரையாவது தொடர்பதிவுக்கு அழைக்கவேண்டும்.

1.பிடித்த கிறிக்கற் வீரர்? அரவிந்த டீ சில்வா
   இவருக்கு மற்றைய முன்னணி வீரர்களை போல் போட்டிகள் கிடைக்கவில்லை, கிடைத்திருந்தால் இன்றைக்கு பேட்டிங் சாதனைகள் அனைத்தும் இவர் வசமாகியிருக்கும். நான் கண்ட மிக சிறந்த மெட்ச் வின்னர், இதற்கு சிறந்த உதாரணம் 1996 உலகக்கிண்ண இறுதிப்போட்டியில் கட்டாயம் வென்றாக வேண்டிய நிலையில் 3 விக்கட்டுகள், 2 கேட்சுகள், அவுட் ஆக எந்த சந்தர்ப்பத்தையும் எதிரணிக்கு வழங்காமல் பெற்ற சதம் என்பவற்றின் மூலம் இலங்கைக்கு உலகக்கிண்ணத்தை வென்று கொடுத்ததை கூறலாம்.

2.பிடிக்காத கிறிக்கற் வீரர்? ஹர்பஜன் சிங்
  எனது பதிவுகளை வாசித்தவர்களுக்கு, ஹர்பஜன் சிங்கை நான் எந்த அளவுக்கு வெறுக்கிறேன் என தெரியும்.

3.பிடித்த வேகப்பந்துவீச்சாளர்? வெள்ளை மின்னல் அலன் டொனால்ட், ஆகிப் ஜாவேட் மற்றும் இயன் பிஷப்.
சிறுவயதில் கிரிக்கட் விளையாடையில் இவர்களது பாணியில் பந்து வீச எவ்வளேவோ முயன்றிருக்கிறேன். ஆகிப் ஜாவேட் மாதிரி ஹெயார் ஸ்டைல் எல்லாம் செய்து பந்த வீசியிருக்கிறேன்.

4.பிடிக்காத வேகப்பந்துவீச்சாளர்? ஆஷிஸ் நேரா, ஸ்ரீ சாந்த்
மைதானத்தில் மற்றைய வீரர்களுக்கு மரியாதை கொடுத்து விளையாடுவதில் இவர்களை அடித்து கொள்ள ஆளேயில்லை, அவ்வளவுக்கு கனவான் வீரர்கள்..

5.பிடித்த சுழற்பந்துவீச்சாளர்? முரளி மற்றும் வோர்ன்
கலக்கல் மன்னர்கள், என்ன செய்தாவது விக்கட்டுகளை வீழ்த்தி விடுவார்கள். பெயிலியர் ஆன சந்தர்ப்பங்கள் மிக குறைவு.

6.பிடிக்காத சுழல்ப்பந்துவீச்சார்? பிடிக்காத வீரரும் ஒரு சுழல் பந்து வீச்சாளர்தான், அவரில்லாமல் பிடிக்காத சுழல் பந்து வீச்சாளர் ஆஷ்லி ஜைல்ஸ்.
காலுக்கு பின்னால் பந்து வீசி பொறுமையை சோதிப்பதில் மன்னன்.

7.பிடித்த வலதுகைத்துடுப்பாட்டவீரர்? அரவிந்த டீ சில்வா மற்றும் ரிக்கி பொண்டிங்.
எல்லா விதமான ஷொட்களையும் மிக அழகாக அடிக்க கூடியவர்கள், அதிலும் முக்கியமாக எனது விருப்ப ஷொட்களான புல் மற்றும் ஹுக் ஷொட் அடிப்பதில் விண்ணர்கள் (வின்னர்களும் தான்)

8.பிடிக்காத வலதுகைத்துடுப்பாட்டவீரர்? அப்துல் ரசாக்
அவர் துடுப்பெடுத்தாடும் பாணி அசிங்கமாக இருப்பதால், முரளியை விட அசிங்கம் என கூறவில்லை, ஆனால் முரளியை துடுப்பாட்ட வீரராக யாரும் நினைப்பதில்லை என்பதால் எனது தெரிவு ரசாக்.

9.பிடித்த இடதுகைத்துடுப்பாட்டவீரர்? சனத் ஜயசூரிய மற்றும் பிரையன் லாரா
இவங்க அடிக்க தொடங்கினால் சும்மா அதிரும். நீண்ட காலமாக பந்து வீச்சாளர்களுக்கு சிம்ம சொப்பனமாக திகழ்ந்தவர்கள், மிக சிறந்த மெட்ச் வின்னர்கள்

10.பிடிக்காத இடதுகைத்துடுப்பாட்டவீரர்? கௌதம் காம்பீர்
இவர் எல்லா பந்துக்கும் நடந்து வந்து அடிக்கும் டெக்னிக் எனக்கு பிடிக்காமையினாலாகும்.

11.பிடித்த களத்தடுப்பாளர்? ஜொன்டி ரோட்ஸ் மற்றும் ரிக்கி பொண்டிங்
மின்னல் வேகத்தில் களத்தடுப்பில் ஈடுபடுவதால் இவர்களை பிடிக்கும், இலங்கை வீரர்களில் ரொஷான் மகாநாமவையும் ரொம்ப பிடிக்கும்.

12.பிடிக்காத களத்தடுப்பாளர்? நுவன் சொய்சா மற்றும் அவிஸ்க குணவர்தன
பீல்டிங்கா? அது ஒரு தின்பண்டமா என கேட்பவர்கள்

13. பிடித்த ALL-ROUNDER? குளுஸ்னர், பிளின்டொப் மற்றும் அன்ஜலோ மெத்தியுஸ்
கஷ்டமான நேரங்களில் அணிக்கு கை கொடுப்பவர்கள்

14.பிடித்த நடுவர்? சைமன் டௌபல், டிக்கி பேர்ட் மற்றும் பில்லி பாடன்
வீரர்களோடு மிகவம் சுமுகமாக நடப்பவர்கள் மற்றும் இரண்டாமவர் மைதானத்தில் உள்ள ரசிகாகளை கவருவதில் மன்னர்.

15.பிடிக்காத நடுவர்? டெரல் ஹெயார்
காரணம் துவேஷத்தை கிரிக்கட்டில் காட்டியமையினால்

16. பிடித்த நேர்முக வர்ணனையாளர்? ரிச்சி பேனோ, பில் லாரி, டேனி மொரிசன் மற்றும் இயன் செப்பல்
எந்த அணிக்கும் சார்பாக இல்லாமல் வர்ணனை செய்வதால் இவர்களை பிடிக்கும்

16. பிடிக்காத நேர்முக வர்ணனையாளர்? ரவி சாஸ்திரி மற்றும் ரஞ்சித் பொணான்டோ
தங்கள் நாட்டு வீரர்களை மட்டும் உயர்த்தி பேசுவதில் மன்னாகள்

18.பிடித்த அணி? இலங்கை, இலங்கை மற்றும் இலங்கை
ஏன் பிடிக்க கூடாது, எங்கள் நாட்டு அணி ஆகவே பிடிக்கும்

18.பிடிக்காத அணி? இந்தியா
சச்சின் போன்ற பண்பான வீரர்களை கொண்டிருந்தாலும் எனக்கு இந்திய என்றதுமே ஹர்பஜன், ஸ்ரீசாந்த், யுவராஜ்சிங் போன்ற வீரர்கள் மற்றைய அணி வீரர்களோடு நடந்து கொள்ளும் நினைவுக்கு வருவதாலாகும்.

20.விரும்பிப்பார்க்கும் அணிகளுக்கிடையிலான போட்டி? இலங்கை விளையாடும் அனைத்து போட்டிகளையும் விரும்பி பார்ப்பேன்

21.பிடிக்காத அணிகளுக்கிடையிலான போட்டி? பிடிக்காத போட்டி என எதுவுமேயில்லை எல்லா கிரிக்கட் போட்டிகளையும் ரசிப்பேன்.

22.பிடித்த அணித்தலைவர்? மார்க் டெயிலர் மற்றும் ஷேன் வோன்
இப்போதைய அவுஸ்திரேலிய அணியை பலமான அணியாக மாற்றியதில் மார்க் டெயிலருக்கு முக்கிய பங்குண்டு. ஷேன் வோன் மிக சில போட்டிகளுக்கு மட்டுமே அவுஸ்திரேலியாவுக்கு தலைமைதாங்கினார், மிக சிறந்த தலைவராக வேண்டியிருந்தவர் ஆனால் அவரது நடத்தை காரணமாக நிரந்தர தலைமைப்பதவி கிடைக்கவில்லை, அவுஸ்திரேலியா இழந்த மிக சிற தலைவர் ஷேன் வோன் ஆகும்.

23.பிடிக்காத அணித்தலைவர்? மொஹம்மட் அசாருதீன்
காசுக்காக தாய் நாட்டை காட்டி கொடுத்தவர், ஹன்சி குரோன்யே என்ற மிக சிறந்த வீரரை சூதாட்டத்திற்கு தூண்டியதும் இவர் செய்த மிகப் பெரிய பிழை.

24.உங்களுக்கு பிடித்த போட்டிவகை?(T20, ODI, TEST)
TEST -ரசித்து சுவைக்க
ODI - அளவுச் சாப்பாடு
T20 - அவசர ருசிக்கு
மூன்றுமே பசியாற்றினால் போதும்.

25.பிடித்த ஆரம்பத்துடுப்பாட்ட ஜோடி? சனத் ஜயசூரிய, ரொஷான் மகானாம
வேகம், விவேகம், அதிரடி, நிதானம் கலந்த ஜோடி...

26.பிடிக்காத ஆரம்பத்துடுப்பாட்ட ஜோடி? பிடிக்காத ஆரம்ப துடுப்பாட்ட ஜோடி என யாருமில்லை.

27.(உங்கள் பார்வையில்) சிறந்த டெஸ்ட் வீரர்? முரளிதரன், லாரா, சச்சின்
நீண்ட காலத்திற்கு இவர்களது சாதனைகள் இவர்களை பற்றி பேசும்.

28.கிறிக்கற் வாழ்நாள் சாதனையாளர் (உங்கள் பார்வையில்)? முரளிதரன்
எத்தனையோ சோதனைகளுக்கு மத்தியில் சாதித்து காட்டிய வீரர்

29. சிறந்த கனவான் வீரர் ? லாரா மற்றும் கோட்னி வோல்ஷ்
மைதானத்தில் கண்ணியமாக நடந்து கொள்வார்கள்

30. நான் பார்த்து வியந்த வீரர்கள்? சனத் ஜயசூரிய, ஷேவாக் மற்றும் அப்ரிடி
இவங்க தொடங்க மாட்டாங்க தொடங்கிட்டா அப்புறம் நிறுத்த மாட்டாங்க..

இத்தொடரை தொடர
நான் அழைப்பது: கிரிக்கட் பதிவுகளுக்கு பெயர் போன 2 பிரபல பதிவர்கள்
1. லோஷன்
2. கிருத்திகன்
(நான் அழைப்பவர்களுக்கு ஒரு கருத்து. என் விருப்பங்கள் உங்களின் விருப்புக்களுக்க முற்றுமுழுதாக எதிராக இருந்தாலும் தொடருங்கள். விருப்புக்கள் வேறுபட்டன. தனிப்பட்ட விருப்புக்களுக்கு நான் தலைவணங்குகிறேன், நீங்களும் அவ்வாறே செய்யுங்கள்)

இங்கு நான் எழுதியது முற்றிலும் எனது சொந்த கருத்தாகும் யாரையும் புண்படுத்த எழுதவில்லை என்பதை தெரிவித்து கொள்கிறேன்.

  ரொம்ப நாளாக பதிவு எழுதும் பார்மை இழந்து இருந்த எனக்கு இத்தொடர்பதிவை எழுதியதன் பின்னர் இனி கொஞ்சம் எழுதலாம் என தோன்றியிருக்கிறது, எழுத தூண்டியமைக்கு சுபாங்கனுக்கும் கோபிக்கும் நன்றி.

நூடுல்ஸ்

2010-02-01T22:04:00.002+05:30

ஏ. ஆர். ரகுமான் நேற்று 2 கிராமி விருதுகளை வாங்கிய செய்தி கேட்டு மகிழ்வடைந்தேன், மனுஷனுக்கு “ஸ்லம்டோக் மில்லியனர்” எத்தனை விருதுகளை வாங்கி கொடுத்து விட்டது? சென்ற வருடம் வாங்கி குவித்த விருதுகளுக்கு மேலதிகமாக இந்த வருடமும் கிராமி விருதுகளை வாங்குவதன் மூலம் இந்த வருடத்திற்கான விருது கணக்கையும் தொடக்கி வைத்து விட்டார், மேலும் இந்திய அரசு இந்த வருடம் பத்மபூஷண் விருது வழங்கி இவரையும், மேஸ்ட்ரோ இளையராஜாவையும் கௌரவித்துள்ளது.

எத்தனை எத்தனை விருதுகள் வந்தாலும் மனுஷன் என்ன ஒரு அடக்கமாக இருக்கிறார், இதற்குதான் “நிறைகுடம் என்றைக்கும் தளம்பாது” என முன்னோர்கள் சொல்லியிருக்கிறார்களோ?

====================================================

“தமிழ் படம்” படம் பற்றிய விளம்பரங்கள், இணைய பதிவுகள் ரொம்ப நல்லாயிருக்கு படம் பார்க்க ஆசையை தூண்டியிருக்கிறது, ஆனாலும் படம் கிட்டிய எந்த தியேட்டர்களிலம் வெளியாகவில்லை. எத்தனையோ மொக்கை படங்களை முதல் நாளே வெளியிடும் தியேட்டர்கள் ஏனோ இந்த படத்தை வெளியிடவில்லை?

ஏற்கனவே இவ்வகையான ஆங்கில படங்களான ஸ்கேரி மூவியின் பல பாகங்கள், ஹொட் ஷொட் 1 மற்றும் 2 பார்த்து வயிறு குழுங்க சிரித்திருக்கிறேன், இன்றும் ஹொட்ஷொட் 2 அடிக்கடி நண்பர்களோடு பார்த்து ரசிப்போம்.

====================================================

கிரிக்கட்டில் அவுஸ்திரேலியா அணி பாகிஸ்தான் அணியை மொங்கு மொங்கென்று மொங்கிவிட்டது, அதிலும் கடைசிப் போட்டியில் அப்ரிடி பந்தை கடித்து தன் மீதிருந்த நல்ல பெயரை கெடுத்து கொண்டார், சர்வதேச ரீதியில் நான் மதித்திருந்த முக்கிய இரண்டு வீரர்களான அப்ரிடி மற்றும் ஷேவாக் இருவரும் பல ரசிகர்கள் அவர்கள் மீது கொண்டிருந்த நம்பிக்கையை கெடுத்து கொண்டனர், இருவரும் நல்ல அதி திறமையான வீரர்கள் என்பதில் எந்த சந்தேகமும் இல்லை, ஆனால் ஜென்டில்மேன் கிரிக்கட்டர்களா என கேட்டால் இல்லை என்றே சொல்ல வேண்டியிருக்கிறது.

====================================================

தமிழ் மொழியின் சக்தி என கூறிக் கொள்ளும் இலங்கையின் முன்னனி வானொலிகளில் ஒன்று இப்போது தமிழ் மொழியை டமில் மொழியாக உச்சரித்து அதன் ரசிகர்களை இழந்து வருகிறது. ஒரு காலத்தில் எழில் வேந்தன் அண்ணா, லோஷன், செந்தூரன், ராம்பிரஸன் போன்றவர்களது அழகு தமிழுக்காக அந்த வானொலியை 24 மணிநேரமும் கேட்டிருக்கிறேன்,ஆனால் இன்று இந்திய தொலைக்காட்சி அறிவிப்பாளர்களைபோல் (இந்திய அறிவிப்பாளர்கள்தான் இங்கு வேலை செய்வதாக கேள்வி) டமில் பேசி எங்களை நேயர்களை கொல்கிறார்கள், முன்னர் அழகாக தமிழ் பேசிய ஒரு அறிவிப்பாளினியும் இப்போதெல்லாம் இந்திய தொலைக்காட்சி சாயிலில் வானொலியில் பேசுகிறார்,

சக்தியில் ஏனிந்த மாற்றம்? இலங்கையில் திறமை வாய்ந்த அறிவிப்பாளர்கள் இல்லையா?

====================================================

ரோட்டோரக்கடையில் வாங்கிய விண்டோஸ் எக்ஸ் பீயை பாவித்து வந்த நான் உபுண்டு லினக்சுக்கு மாறி பார்த்தேன், பிரமிக்கத்தக்க மாற்றம், விண்டோசை விட அதிக வேகம், இணைய வேகம் சிறப்பாக இருக்கிறது, சகலவிதமான ஹார்ட்வெயார்களுக்கும் ஆதரவு தருகிறது, உபுண்டு லினக்ஸ் இவ்வளவு சிறப்பாக இருக்குமென நினைத்து பார்க்கவேயில்லை. ஆரம்பத்தில் வீடியோ பார்க்க, எம்பீ3 கேட்க சிறிது சிரமப்பட்டேன், இப்போது அதுவும் சரியாகிவிட்டது.

எனக்கு இந்த இயங்கு தளத்தில் உள்ள ஒரே பிரச்சினை தமிழ் யுனிக் கோட் தட்டச்சு செய்வது தான், காரணம் நான் தமிழில் தட்டச்சுவது பாமினி எழுத்துருவிற்கு அமைவாக என்பதால் சிறிய பிரச்சினைக்கு முகம் கொடுக்க வேண்டியிருக்கிறது.

அதற்கு தீர்வாக பதிவர் சயந்தன் பதிவர் மு.மயுரனை தொடர்பு கொள்ள சொன்னார், அவரும் பாமினி எழுத்துருவை கொண்டு தட்டச்ச சில வழிகளை சொல்லித்தந்தார், லினக்சில் நான் இன்னும் கத்துக்குட்டியாக இருப்பதால் அதை முழுமையாக நிறுவ இயலவில்லை, எனினும் லினக்ஸ் எனக்கு மிகவும் இனிமையாக இருக்கிறது.

நூடுல்ஸ்

2010-01-18T19:48:00.006+05:30

ரொம்ப நாளைக்கு அப்புறம் பழையபடி பதிவெழுத வந்திருக்கிறேன். ரொம்ப நாள் நான் எழுதாமல் இருந்ததற்கு முக்கிய காரணம் எனது கையில் ஏற்பட்ட ஒரு சிறு எழும்பு முறிவு. மோட்டார் சைக்கிளின் ஸ்டாண்ட்டை போட்டு அப்படியே ஒட்டி சென்று விழுந்து விட்டதால் ஏற்பட்ட எழும்பு முறிவு இப்போதான் ஓரளவுக்கு சரியாகியிருக்கிறது. அதனால் பதிவுலகிற்கு மீண்டு வந்துள்ளேன்.

நேற்று எனது பிறந்த நாளுக்கு பதிவுலக நண்பர்கள் பலர் வாழ்த்து தெரிவித்திருந்தனர், அவர்கள் அனைவருக்கு எனது இதயம் நிறைந்த நன்றிகள்.

----------------------------------------------------------------------------------------------------------
----------------------------------------------------------------------------------------------------------

ஜனாதிபதி தேர்தல் வருகிறது. எனக்கு எப்போதும் அரசியலில் எந்த விதமான ஆர்வமும் இருந்ததில்லை. ஆனாலும் எனக்கு உள்ள வாக்குரிமையை பாவிக்க வேண்டும், ஆகையால் யாருக்கு எனது (பெறுமதியான) வாக்கை அளிப்பது என சீக்கிரமாக முடிவெடுக்க வேண்டும். ஆனாலும் இப்போதைய காலத்தில் நிகழும் அரசியல் பேச்சு விளையாட்டுக்கள், விவாதங்கள் சிறந்த நேரப்போக்கிகளாக (Time Pass) இருக்கின்றன என்பது மறுக்கவியலாத உண்மை.
----------------------------------------------------------------------------------------------------------
----------------------------------------------------------------------------------------------------------
கிரிக்கட் போட்டிகளில் அவுஸ்திரேலியா, தென்னாபிரிக்கா என்பன வருடத்தை சிறப்பான வெற்றியோடு ஆரம்பித்திருக்கின்றன. பொன்டிங் சிறந்த மூன்றாம் இலக்க துடுப்பாட்ட வீரர் இல்லை என கருத்துக்கள் வந்த போது அந்த மனுஷன் கடைசி டெஸ்ட் போட்டியில் பட்டையை கிளப்பி தன்னை ஏன் இந்த தசாப்தத்தின் சிறந்த கிரிக்கட்டராக தெரிவு செய்தார்கள் என்பதை நிரூபித்து விட்டார்.

தசாப்தத்தின் சிறந்த கிரிக்கட் வீரர் என்னும் விருதுக்கு பொன்டிங் மிக சிறந்த தெரிவு. அணியின் வெற்றியில் பங்களிப்பு என்று பார்க்கையில் பொன்டிங்கோடு போட்டியிட யாருமே இல்லை என நினைக்கிறேன்.

----------------------------------------------------------------------------------------------------------
----------------------------------------------------------------------------------------------------------

இன்று காலை நுவரெலியாவிலிருந்து கண்டி வரும் வரை வெற்றி எப் எம்மில் விடியல் கேட்டு கொண்டே வந்தேன். அதில் லோஷன் கேட்ட கேள்வியான ”எமக்கு காலையில் புத்துணர்ச்சி அளிப்பது என்ன?” என்பதற்கு நான் எனக்கு எது புத்துணர்ச்சி அளிக்கிறது என எண்ணி பார்த்தேன்.

எனக்கு காலையில் எழும்பும் போதே பாடல்கள் கேட்க வேண்டும், எனது நாள் விடியல் நிகழ்ச்சியோடு தொடங்கி பின்னர் காலையில் குளிர் நீரில் குளிப்பதால் கிடைக்கும் புத்துணர்ச்சியோடு தொடங்குகிறது. இதில் ஏதாவது குறைவாக இருந்தால் அந்த நாள் எனக்கு குறையாகவே தோன்றும்.

இந்த த்ரிஷா படத்தை காலையிலேயே பார்த்தால் சும்மாவே புத்துணர்ச்சி கிடைக்கும். த்ரி்ஷாவுக்கு மாப்பிளை தேடுவதாக லோஷன் பதிவிட்டிருக்கிறார். நான் அதற்கு விண்ணப்பிக்க யோசித்துள்ளேன். எங்கு எப்படி விண்ணப்பிப்பது என லோஷன் தகவல் தந்துதவுவார் என நம்புகிறேன்.
----------------------------------------------------------------------------------------------------------
----------------------------------------------------------------------------------------------------------
பொங்கல் வெளியீடு படங்கள் எதுவும் இன்னும் பார்க்கவில்லை, ஆயிரத்தில் ஒருவன் மற்றும் குட்டி பார்க்க நினைத்துள்ளேன். ஆனால் ஆயிரத்தில் ஒருவன் படம் பார்த்தவர்களின் கருத்துகளை கேட்டபின் படம் பார்க்கவிருந்த ஆர்வம் குறைந்து விட்டது.
----------------------------------------------------------------------------------------------------------
----------------------------------------------------------------------------------------------------------

தமிழ் மணம் விருதுகளை பெற்றமைக்கு பதிவர்கள் வந்தியத்தேவன் மற்றும் லோஷனுக்கு எனது வாழ்த்துகளை தெரிவித்து கொள்கிறேன்.

விண்ணைத்தாண்டி வரும் சூர்யா

2010-01-15T21:05:00.001+05:30

நான் நேற்று பொங்கலன்று பார்த்த தொலைக்காட்சி நிகழ்ச்சிகளில் இரண்டு நிகழ்ச்சிகள் எனது மனதை கவர்ந்தன, அதில் முதலாவது சூர்யா ஏழை மாணவர்களின் கல்வி முன்னேற்றத்திற்கு ஒரு கோடி பங்களித்த விஜய் டீவி நிகழ்ச்சி மற்றது விண்ணைத்தாண்டி வருவாயா இசை வெளியீட்டு நிகழ்ச்சி ஆகும். இவை இரண்டும் எனது மனதை கவர்ந்தற்கு பல காரணங்கள் உண்டு.

சூர்யா ஏழை மாணவர்களுக்கு ஒரு கோடி பண உதவி செய்ய முன் வந்த நிகழ்வில் கதைத்த மாணவர்களின் பேச்சை கேட்டு நான் உட்பட எங்கள் வீட்டில் அனைவரும் கண் கலங்கினோம், தானத்திலே சிறந்த தானம் கல்வித்தானம் என்பார்கள், அதை வழங்க உதவிய சூர்யாவுக்கு எனது வணக்கங்கள், அதை பார்த்த பின்னர் கட்டாயம் அவர்கது “அகரம் அறக்கட்டளைக்கு” ஏதாவது பொருள் உதவி செய்ய தோன்றியது. செய்ய நினைத்துள்ளேன், இப்பதிவை வாசிப்பவர்களில் யாருக்காவது அவ்வாறு தோன்றினால் அகரம் என்னும் இணையத்தளத்திற்கு சென்று விதை என்னும் இந்நிகழ்விற்கு உதவுமாறு தாழ்மையுடன் கேட்டுக் கொள்கிறேன். எத்தனையோ நடிகர்கள் தையல் மெஷின், இலவச திருமணம் என செய்து புகைப்படம் எடுத்து பத்திரிகையில் போட்டு கொள்வதை விட்டு இந்நிகழ்விற்கு உதவுவது புண்ணியத்தை தரும். காரணம் அந்த ஏழை மாணவர்களின் பேச்சில் அவர்களது முன்னேற்றத்திற்கு பணம் மட்டுமே தடையாக இருப்பதாக குறிப்பிட்டார்கள்.

அடுத்து நான் பார்த்த நிகழ்ச்சி விண்ணைத் தாண்டி வருவாயா இசை வெளியீட்டு விழா. ஒஸ்கார் விருதுக்கு பின்னர் நம்ம தல ரகுமானின் இசையில் வெளி வந்த முதல் தமிழ் பாடல்கள். முதல் முறை கேட்கும் போதே மனதை கவர்ந்த பாடல்கள், கட்டாயம் இந்த வருடத்தில் இந்த ஆல்பம் சூப்பர் ஹிட் என்பதை வெளிப்படுத்தின. அதிலும் கார்த்திக் பாடிய பாடல், ஒமனக்குட்டி பாடல், மன்னிப்பாயா என்னும் ரகுமான் (நிகழ்வில் இதை பாடியது கார்த்திக்) பாடிய பாடலும் அருமையாக இருந்தன. இரண்டு பாடல்கள் காட்சிப்படுத்தியிருந்தார்கள், பாடல்களை தன்னை போல அழகாக யாராலும் காட்சியமைக்க முடியாது என மீண்டும் நிரூபித்திருந்தார் கௌதம் வாசுதேவ மேனன், மேலும் சிம்பு தனது வாலை சுருட்டிக் கொண்டு பாடல்காட்சிகளில் நடித்திருந்தார். படத்தில் எப்படியோ? இப்படியே படத்திலும் நடித்திருந்தால் மகிழ்ச்சியே.

சிம்பு, த்ரிஷா இருவரையும் மிக அழகாக காட்டியிருக்கிறார்கள். அதிலும் த்ரிஷாவை யாருமே இப்படி அழகாக காட்டியதில்லை எனலாம். எப்படியோ இந்த வருடம் ரகுமான் ரசிகர்ககளான எங்களுக்கு கொண்டாட்டம் தான்.

ஏ . ஆர். ரஹ்மான் - ஒரு இசை சகாப்தத்துக்கு பிறந்த நாள் வாழ்த்துகள்

2010-01-05T15:36:00.000+05:30

ஒரு காலத்தில் மெல்லிசை மன்னர்கள் தமிழ் இசையில் கோலோச்சி வந்த காலத்தில் தமிழ் இசையை வேறு திசைக்கு அழைத்து சென்றது இசைஞானி இளயராஜா. பின் அவரது இசை தமிழ் மக்களின் தேசிய கீதமாக இருந்த நேரத்தில் 1992 ஆம் வருடத்தில் அந்த தமிழ் இசை ரசிகர்கள் வேறு ஒரு திசைக்கு வேறு தளத்திற்கு கொண்டு சென்றது ஏ . ஆர். ரஹ்மான் என்னும் மாபெரும் இசை கலைஞனின் இசை. "ரோஜா" என்ற அந்த இசை அல்பத்தின் மூலம் தமிழ் இசையை சர்வதேச அரங்கிற்கு கொண்டு சென்ற அந்த ஏ . ஆர். ரஹ்மான் என்னும் மாபெரும் இசை அமைப்பாளருக்கு இந்த ஜனவரி 06 ஆம் திகதி 43 ஆம் பிறந்த நாள். அவருக்கும் அவரது ரசிகர்களுக்கும் இந்த பதிவு சமர்ப்பணம்.

சிறிய வயதில் ஏ . ஆர். ரஹ்மான்

பிறப்பு : 06 ஜனவரி 1966
இயற் பெயர் : A. S. திலீப் குமார்
இணைய தளம் : www.arrahman.com

பட்டங்கள்
* டைம் சஞ்சிகையால் "Mozart of Madras" என்னும் பட்டம் பட்டம் வழங்கியது.
* தமிழ் இசை ரசிகர்களால் "இசை புயல்" என்னும் பட்டம் அளிக்கப்பட்டது"

விருதுகள் தேசிய விருதுகள்
1993 - சிறந்த இசை அமைப்பாளருக்கான தேசிய விருது - ரோஜா படத்துக்கு
1997 - சிறந்த இசை அமைப்பாளருக்கான தேசிய விருது - மின்சார கனவு படத்துக்கு
2002 - சிறந்த இசை அமைப்பாளருக்கான தேசிய விருது - லகான் படத்துக்கு
2003 - சிறந்த இசை அமைப்பாளருக்கான தேசிய விருது - கன்னத்தில் முத்தமிட்டால் படத்துக்கு

* பத்மஸ்ரீ பட்டம் இந்திய அரசால் வழங்கப்பட்டது

சிறந்த இசை அமைப்பாளருக்கான Filmfare விருதுகள் (தென் இந்தியா)
1993 - ரோஜா
1994 - Gentleman
1995 - காதலன்
1996 - Bombay
1997 - காதல் தேசம்
1998 - மின்சார கனவு
1999 - ஜீன்ஸ்
2000 - முதல்வன்
2001 - அலைபாயுதே
2006 - சில்லுனு ஒரு காதல்

சிறந்த இசை அமைப்பாளருக்கான Filmfare விருதுகள் (வட இந்தியா)
1995 - Rangeela
1998 - Dil Se
1999 - Taal
2001 - Lagaan
2002 - Saathiyaa
2002 - The Legend of Bhagat Singh
2004 - Swades
2006 - Rang de Basanti

மேலும் 1992 am ஆண்டு சிறந்த புது முக இசை அமைப்பாளருக்கான ஆர். டீ. பர்மன் விருது

தமிழக அரசு சிறந்த இசை அமைப்பாளருக்கானவிருதுகள்

1993 - ரோஜா
1994 - Gentleman
1995 - காதலன்
1996 - பம்பாய்
1997 - மின்சார கனவு
2000 - சங்கமம்

இது தவிர

IIFA Awards (India) , Sangeet Awards, The Mahavir-Mahatma Award, GIFA Awards (Malaysia), Zee Cine Awards (India), Swaralaya Yesudas Award (India), Screen-Videocon Awards, National Lata Mangeshkar awards for 2004-05, Best music arranger (Critics award) for 'Yeh Rishta' - Meenakshi 2004 American India Awards R D Burman Award at the SuMu Music Awards (1993) Madras Telugu Academy Puraskar (1992 to 1994) Bommai Nagi Reddy Award (1995/96) Lux-Kumudam Award for Kadhalan (1995) Mauritius National Award (1995; for contribution to music) Malaysian Award (1996; for contribution to music) Sanskriti Award from Delhi based Sanskriti foundation (1994) Kalaimamani Award from Tamil Nadu Government (1995) Thangapillai Award Rajiv Gandhi Award 3rd Channel [V] Awards - Coca Cola Viewer's Choice Award 1998 The Channel [V]-IMI Award for Best Producer for Vandemataram 1998 Fanta Award in 1999 Stardust Cine Honours Taal (2000) Filmgoers's Award Taal (2000) First Bollywood Music Awards (Best Music Director and Best Song) Taal (2000) V Shantaram Award: Taal (2001), Best Music(Guru)2006- 2007 Bollywood US Awards (2003) Best Music Director : Saathiya 8th Annual Planet-Bollywood Awards (People's Choice Awards! - Best of 2002) Best Music Direction : Saathiya, The Legend of Bhagat Singh Star Screen Award - Best Background Score - Rang De Basanti, Dinakaran Cine Awards Minsara Kanavu (1998) Jeans (1999) Mudalvan, Kadhalar Dhinam (2000) MTV Awards MTV-VMA Award for Dil Se Re song from Dil Se.. 1999 MTV Asia Awards 2003 for Favourite Artist India MTV IMMIES 2003 - Best Music Composer - 'Saathiya' - Saathiya ( Hindi ) என பல விருதுகள்.

மேலும் தற்போது ஆஸ்கார் விருதுக்கு அடுத்தபடியாக மிக பெறுமதியான Golden Globe விருதுக்கு Slumdog Millionaire என்னும் Best Original Score என்னும் பிரிவுக்கு தெரிவு செய்ய பட்டுள்ளார், அவர் எதிவரும் ஜனவரி 11 ஆம் திகதி Golden Globe விருதை பெறுவார் என எதிர் பார்ப்போம்.

அறிமுகங்கள்

ஏ . ஆர். ரஹ்மானால் அறிமுகப்படுத்த பட்ட பாடகர்கள்
உன்னி கிருஸ்ணன் (என்னவளே-காதலன்)
ஹரி ஹரன் (தமிழா தமிழா-ரோஜா)
ஹரிணி (நிலா காய்கிறது-இந்திரா)
ஷகுள் அமீது -
நரேஷ் ஐயர் - (மயில் இறகே - அன்பே ஆருயிரே )
தன்வி -
வசுந்திரா தாஸ் - (சகலக பேபி -முதல்வன் )
கார்த்திக் (நேந்துகிட்டேன் -ஸ்டார் )
அசலம் முஸ்தபா (கல்லூரி சாலை -காதல் தேசம்)
blaaze -(பாய்ஸ் )
முகேஷ் - (தீ குருவி - கண்களால் கைது செய் )
மொஹம்மட் ரபிய்- (ஜும்பலக - என் சுவாச காற்றே )
O.S அருண் (என்னை காணவில்லை- தேசம்)
ஷங்கர் மஹாதேவன் - (முக்கால முக்கப்லா - ஹிந்தி காதலன்)
G.V.பிரகாஷ்
சித்ரா சிவராமன் - [நேர்ந்து கிட்டேன் - ஸ்டார் ]
கே கே- Strebarry - பெண்ணே - மின்சார கனவு ]
பார்கவி பிள்ளை [ நியூ யார்க் நகரம் பாடலில் பெண் குரல் ]
ஷோபா ஷங்கர் [மார்கழி பூவே - மே மாதம் ]
Caroline - [ தீ தீ ]
மின்மினி - [ சின்ன சின்ன ஆசை - ரோஜா ]
சின்மயீ - [ ஒரு தெய்வம் - கன்னத்தில் முத்தமிட்டால் ]
ரீனா பரத்வாஜ் [ பாபா கிச்சு - பாபா ]
தேனீ குஞ்சரம்மா [ பேட்டை ராப் - காதலன் ]
சுரேஷ் பீட்டர்ஸ் [ சிக்கு புகு - Gentle Man ]
அனுபமா [ஜுலை மாதம் - புதிய முகம்)
வைஷாலி (யாரோ யாரோடி - அலை பாயுதே)
பம்பாய் ஜெயஸ்ரீ - (நறுமுகையே - இருவர் )
பல்ராம் - (நீ தான் என் தேசிய - பார்த்தாலே பரவசம்)
பென்னி - (பல்லேலக - சிவாஜி)
ரகீப் அலம் - (த பாஸ் - சிவாஜி)
சயனோரா - (அதிரடி- சிவாஜி)
கோமதி ஸ்ரீ -(சகாரா - சிவாஜி)
M.G. ஸ்ரீ குமார் - (சின்ன சின்ன - என் சுவாச காற்றே)
தேவன் - (ஒ மரியா - காதலர் தினம்)
உன்னி மேனன் -
அனுராதா ஸ்ரீ ராம் - இந்திரா
கிளிங்க்டன் - (சகியே -அலை பாயுதே)
நகுல் - (Girl Friend - பாய்ஸ் )
ரஷீத் அலி - (நாதிர் தின்ன - பார்த்தாலே பரவசம்)
துபாரா - (நாதிர் தின்ன - பார்த்தாலே பரவசம்)
ஸ்ரீராம் பார்த்தசாரதி ( அதிசய திருமணம் - பார்த்தாலே பரவசம் )
உஜ்ஜயினி - (நீ மர்லின் - அழகிய தமிழ் மகன்)

இவரால் அறிமுகப்படுத்தபட்ட இசை கலைஞர்களை முழுமையாக பட்டியலிட இந்த பதிவில் என்னால் முடியாது. இன்னும் ஏராளமான பெயர்கள் விடு பட்டிருக்கலாம்.

இப்படிக்கு
Golden Globe விருதை பெறுவதன் மூலம் தமிழர்களுக்கு உலக அளவில் பெருமை சேர்ப்பார் என காத்திருக்கும் ஒரு ஏ . ஆர். ரஹ்மான் என்னும் கலைஞனின்
கடை நிலை ரசிகன்

இது சென்ற வருடம் நம்ம ரஹ்மானுக்கு பிறந்த நாள் வாழ்த்து தெரிவிக்கவும் Golden Globe விருது பெற வாழ்த்து தெரிவிக்கவும் நான் போட்ட பதிவு, இப்போ அவர் OSCAR தமிழன். இந்த வருடமும் அவர் பல சாதனைகளை படைக்க வேண்டும் என்னும் விருப்பத்தோடு அவருக்கு எனது வாழ்த்தாக மீண்டும் அதே பதிவை மீள் பதிவு செய்கிறேன்.

HAPPY BIRTHDAY RAHMAN SIR

2010 ஆம் ஆண்டை வரவேற்போம், 2009ம் ஆண்டுக்கு நன்றி சொல்வோம்.

2009-12-31T10:55:00.000+05:30

வழமைபோல டிசம்பர் 31ஆம் திகதி அன்று கடந்து வந்த வருடத்தை அசை போடுகிறேன். பொதுவாக ஒவ்வொரு வருடமும் சில தீர்மானங்கள் எடுப்பேன், மிஞ்சிப் போனால் ஜனவரியோடு அதை தொடர்வதில்லை, ஆனால் 2009ல் அவ்வையான பல தீர்மானங்களை தொடர்ந்திருக்கிறேன். தனிப்பட்ட ரீதியில் எனக்கு 2009 ம் ஆண்டு ஒரு சிறப்பான ஆண்டே...

”என் நன்றி கொன்றார்க்கும் உய்வுண்டாம் - உய்வில்லை

செய்நன்றி கொன்ற மகற்கு”

எனும் வள்ளுவன் வாக்கிற்கு ஏற்ப எனக்கு நன்மைகளை தந்த 2009ம் ஆண்டிற்கு நன்றி சொல்கிறேன். ஆனாலும் நன்மை மட்டுமே எனக்கு கிடைத்தது என சொல்லவில்லை, 2010ம் ஆண்டுக்கு நான் எடுத்து செல்லும் நினைவலைகளில் நல்லவற்றை நிரப்பினால் கவலைகள் குறைவு. பல இழப்புக்களையும் இவ்வருடம் சந்தித்திருந்தாலும் அவற்றை மறந்து பெற்றவைகளுக்கு நன்றி சொல்ல கடமைப்பட்டிருக்கிறேன்.

தனிப்பட்ட ரீதியில் நான் இவ்வருடத்தில் பல சுய மைல்கற்களை எட்டியிருக்கிறேன். பல புதிய நட்புக்கள் கிடைத்திருக்கிறன.

மேலும் மிக கவலையான விடயம் நீண்ட நாட்களுக்கு பிறகு ஒரு டிசம்பர் 31ல் நுவரெலியா இல்லாத ஓரிடத்தில் இருக்கிறேன். இந்த வருட தொடக்கத்தில் கண்டி நகருக்கு தொழில் நிமித்தம் வந்த நான், இப்போது கண்டியிலேயே முழுவதுமாக தங்கி விட்டேன், ஆரம்பத்தில் தனிமை ரொம்பவும் வாட்டியது, அப்போதெல்லாம் எனது தனிமையை நான் கழித்தது பதிவுலகத்தில்தான்... வருடக்கடைசியில் அலுவலகத்தில் பதவிஉயர்வு, அதிக ஆணிகள், மற்றும் ஒரு சிறு மோட்டார் விபத்தில் கை வருத்தம் காரணமாக பதிவுலகத்திற்கு தற்காலிக ஓய்வு கொடுத்திருந்தேன். அடுத்து வரும் வருடத்தில் தொடர்ந்து பதிவுலகில் இருப்பேன் எனும் நம்பிக்கையுடன்......

எனக்கு கை கொடுத்த முகம் தெரிந்த/தெரியாத பதிவுலக நட்புகளுக்கு நன்றிகள் பலகோடி...

மேலும் பிறக்கவிருக்கும் புது வருடத்தில் மனிதனாக வாழ்வோம், மனிதத்தை மதிப்போம், மனிதனாக வாழ்வோம் என்னும் தீர்மானத்தோடு இருக்கிறேன்.

அனைவருக்கும்

இனிய ஆங்கில புது வருட நல் வாழ்த்துக்கள்

அகதமாபாத் டெஸ்ட் போட்டி சதியா?

2009-11-23T10:25:00.004+05:30

இலங்கை இந்திய அணிகளுக்கிடையிலான முதலாம் டெஸ்ட் போட்டி கடந்த வாரம் வெற்றி தோல்வியின்றி முடிவடைந்தது. 5 நாட்களும் நடந்த இப்போட்டி 7 பேரின் சதங்கள் மூலம் இரு அணிகளும் மிகப்பெரிய ஓட்ட எண்ணிக்கையை பெற்றது. இதன் மூலம் இத்துடுப்பாட்ட வீரர்கள் தனிப்பட்ட பல மைல்கல்களை எட்டினர், ஆனால் இச்சாதனைகள் அவர்களது அணியின் வெற்றிக்கு உதவியதா என கேட்டால் இல்லை என்றே கூற வேண்டியிருக்கிறது. ஆனாலும் இந்த போட்டியில் வெற்றியடைந்தவர்களும் உண்டு. இந்த போட்டியில் உண்மையில் வெற்றி பெற்றவர்கள் இந்திய கிரிக்கட் சபையும், இப்போட்டிக்கு தொலைக்காட்சியில் விளம்பரம் செய்தவர்களுமாவார்.

கடந்த 5 வருடங்களாக அவுஸ்திரேலியா, தென்னாபிரிக்கா, இலங்கை, இந்தியா ஆகிய நாடுகளில் நடந்த டெஸ்ட் போட்டிகளை எடுத்து பார்த்தால், அவுஸ்திரேலியாவில் கடந்த 5 வருடங்களில் 27 போட்டிகள் நடைபெற்றிருக்கின்றன, அதில் 2 போட்டிகள் மாத்திரமே வெற்றி தோல்வியற்ற முடிவை தந்திருக்கின்றன. தென்னாபிரிக்காவில் நடந்த 29 போட்டிகளில் 3 போட்டிகள் வெற்றி தோல்வியற்று முடிவடைந்திருக்கின்றன, இலங்கையில் நடந்த 22 போட்டிகளில் 4 வெற்றி தோல்வியற்ற பெறுபேற்றை தந்திருக்கின்றன. மாறாக இந்தியாவில் கடந்த 5 வருடமாக நடந்த 24 போட்டிகளில் 11 போட்டிகள் வெற்றி தோல்வியற்ற முடிவை தந்திருக்கின்றன, இந்த தரவுகள் இன்னொரு உண்மையை வெளிச்சம் போட்டு காட்டியிருக்கின்றன. முடிவை எட்டக்கூடிய முறையில் ஆடுகளங்கள் தயாரிக்கப்பட்டால் சில வேளைகளில் அப்போட்டிகள் 3 அல்லது 4 நாட்களில் முடிந்து விடும், இவ்வாறு 3 அல்லது 4 நாட்களில் போட்டி முடிந்து விட்டால் இறுதி நாளன்று விளம்பரம் செய்ய இயலாமல் இந்திய கிரிக்கட் சபைக்கு பெருந்தொகையான பணம் நட்ட மேற்படலாம், இதனாலே இந்த உப்பு சப்பற்ற பேட்டிங் விக்கட்டுகளை இந்திய கிரிக்கட் சபை ஊக்குவிக்கின்றது, மேலும் இதன் மூலம் துடுப்பாட் வீரர்களுக்கும் பல தனிப்பட்ட சாதனைகளை நிகழ்த்தி கொள்ள ஏதுவாக இருக்கும்.

இப்போட்டியில் சச்சின் தனது 43 வது சதத்தை பெற்று கொண்டார், ஆனாலும் சதம் பெற்று இந்தியா வெற்றி பெற்றிருப்பது 16 போட்டிகளில் தான் என்பது சற்று அதிர்ச்சியான உண்மை. ஒரு வீரர் சதம் பெற்று அவ் அணி போட்டியில் வெற்றி பெற்றதா என பார்த்த போது கிடைத்த தகவல்களில் முன்னணியில் இருப்பவர்கள் அவுஸ்திரேலியர்களே. இதில் கவாஸ்கர் பெற்ற 29 சதங்களில் இந்தியா வெற்றி பெற்றிருப்பது வெறும் 6 போட்டிகளில் மாத்திரமே. இங்கு முதலில் இருப்பது பொன்டிங் அவர் சதம் பெற்று அவுஸ்திரேலியா வெற்றி பெற்ற போட்டிகள் 27. அந்த தகவல்கள் கீழே

இடம் வீரர் வெற்றி பெற்ற போட்டிகள்

01 ரிக்கி பொன்டிங் -------------------------------27

02 ஸ்டீவ் வோ் ------------------------------------ 25

03 பிராட்மேன் -------------------------------------23

04. ஹேடன் ----------------------------------------23

.................................................................................................

07. சச்சின் டென்டுல்கார் ------------------------12

.................................................................................................

22 ராகுல் டிராவிட் ---------------------------------10

.................................................................................................

61 சுனில் கவாஸ்கர் --------------------------------6

இதன் மூலம் கிரிக்கட் போட்டிகள் நடக்கும் ஆடுகளங்களை தொலைக்காட்சி நிறுவனங்கள் தமக்கு தேவையான மாதிரி ஆக்கி கொண்டு நல்ல வருவாயை சம்பாதித்து கொண்டிருக்கின்றன.

நாம் தான் முட்டாள்களாக போட்டி முடிவுகளை பார்த்து கவலை பட்டு கொண்டிருக்கிறோம்.

பாடசாலையில் மதக்கல்வி தேவையா?

2009-11-17T12:41:00.000+05:30

டிஸ்கி - இது யாரையும் புண்படுத்தும் பதிவல்ல, என் மனதிற்கு தோன்றியதை பதிவிடுகிறேன், முக்கியமான விடயம் நானும் ஒரு கடவுளை நம்பும் ஆத்திகன்.

சைவ மதத்தை பின்பற்றும் நான், தீவிரமாக கடவுளை வணங்கும் குடும்பத்திலிருந்து வந்தவன், சமயம் பற்றிய கல்வியை பாடசாலையில் விருப்பத்தோடு கற்றுள்ளேன். மதத்தை பற்றி கற்கும் போது பாடசாலையில் எனது மதமான இந்து மதத்தை கற்றேன், மேலும் எனது பள்ளி ஒரு கிறித்தவ பள்ளி என்பதால் சிறிதளவு கிறிஸ்வத அறிவும் கிடைத்தது.

ஆனால் இப்போது யோசிக்கும் போது இச்சமயக்கல்வி மாணவர்களிடம் சிறிய வயதிலே பிரிவினையை தூண்டி விடுவதாக தோன்றுகிறது. இன்று உலகலாவிய ரீதியில் ஏற்படும் எல்லாவித பிரச்சினைகளுக்கும் மதங்களும் ஒரு முக்கிய காரணம், மனிதர்களிடம் அன்பை வளர்க்க வேண்டிய மதமே மனிதர்களிடம் பிரிவினையை தூண்டுகிறது என்றால், அம்மதம் மக்களுக்கு தேவையில்லை என்பதே எனது கருத்து.

இதை நான் மற்றோருக்கு கூறும் போது, என்னை ஒரு மதத்துவேசியாகவே பார்க்கிறார்கள், காரணம் இங்கு அநேகமானோர் வாழ்வது மதத்திற்காகவே ஆகும். நான் கடவுளை நம்புபவன், ஆனால் நான் வணங்கும் இந்து கடவுள்தான் உலகத்தில் ஒரே கடவுள் மற்றைய எல்லா மதங்களும் பொய் என கூறவில்லை, இன்னுமொரு முக்கியமான விடயம் எனக்கு

மற்றைய மதங்களை விமர்சிக்க தார்மீக ரீதியில் உரிமையுமில்லை, காரணம் அவற்றை விமர்சிக்க கூடியளவுக்கு நான் அந்த மதங்களை கற்றவனல்ல, எனது வீட்டை சுத்தமாக்க வேண்டிய பொறுப்பு எனக்குள்ளது.

“எனது வீட்டை சுத்தமாக வைத்திருந்தால் அயலாரின் வீடும் சுத்தமாகும்” என்பதே எனது கொள்கை.

திருநாவக்கரசரை சைவ சமயத்தில் இணைந்ததற்காக சமணர்கள் பல விதத்தில் கொடுமைபடுத்தினார்கள் என்று சமய பாடத்தில் படிப்பித்ததை கொண்டு நான் சிறிய வயதில் மற்றைய சமயத்தவர் எல்லாம் கொடுமைக்காரர்கள் என்னும் கருத்தை கொண்டிருந்தேன், சற்று பெரிய வயது வந்ததன் பின்னரே சமயக்கல்வியை விட வாழ்க்கைக்கல்வி எவ்வளவு முக்கியமானது என்பதை அறிந்தேன்,

மதம் என்னும் ஒன்று இல்லாவிடின் தனி மனிதனது ஒழுக்கம் கேள்விக்குறியதாகி விடுமென்பதாலும், மனிதன் யாருக்குமே பயப்படாவிடின் எதுவுமே செய்ய தயங்க மாட்டான் என்பதாலுமே முன்னோர்கள் மததை உருவாக்கியிருப்பார்கள் என நினைக்கிறேன், மதத்துக்காக மனிதன் என்றல்லாது மனிதனுக்காகவே மதம் என்றிருக்க வேண்டும்.அதாவது மதம் என்பது மனிதனுக்காக உருவாகப்பட்டது, அதுவே மனிதனை பிரிக்க காரணமாய் இருந்துவிட கூடாது என நினைக்கிறேன்.

தலைப்பில் உள்ளவாறு “மதக்கல்வி பாடசாலையில் தேவையா?” என்பது முக்கியமாக விவாதிக்கப்பட வேண்டிய முக்கிய விடயமானது, காரணம் சிறிய வயதில் மூளைக்கு செலுத்தப்படும் விடயம் கடைசி வரை அழியாது, ஆனால் இதில் இன்னாரு விடயமும் உள்ளது, நமது மதம் பற்றி எமக்கு அறிந்து கொள்ள கூடிய வாய்ப்பு இல்லாமலே போய்விடலாம்.

அதனால் எல்லா மாணவருக்கும் ஒருங்கே எல்லா சமயமும் கற்றுக்கொடுக்கலாம் என நினைக்கிறேன், இப்படி கற்றுக் கொடுப்பதால் எல்லாருக்கும் எல்லா மதங்களையும் பற்றி அறிந்து கொள்ளலாம்.

மேலும் இது மத ஒற்றுமையை வளர்க்கும் எனவும் நினைக்கிறேன், மேலும் சமயத்தை பரீட்சைக்கு என படிக்காமல் வாழ்க்கைக்கு என படிக்கும் நிலை வர வேண்டும் என நினைக்கிறேன்.

உங்கள் கருத்துகளையும் பின்னூட்டுங்கள், எனது கருத்து பிழை எனில் அதையும் தெரிவியுங்கள்.